Coronavirus / વડોદરામાં કોરોના પોઝિટિવ કેસ, ગુજરાતમાં કુલ 48 કેસ કોરોના પોઝિટિવ, 3 ના મોત

વડોદરામાં વધુ એક કેસ

ગઈકાલે રાજકોટમાં નવા 3 કેસ

કુલ કેસની સંખ્યા 48

વડોદરામાં કોરોના પોઝિટિવનો વધુ એક કેસ નોંધાતા તંત્રમાં ચિંતાનો માહોલ જોવા મળ્યો હતો. UKથી આવેલા દર્દીના ભાઇનો રિપોર્ટ પોઝિટિવ આવ્યો છે. વડોદરામાં કોરોના પોઝિટિવના કુલ 9 કેસ થયા છે. દર્દી ગુડગાંવનો વતની છે. અને આંકોલિયા વિસ્તારનો રહેવાસી છે. હાલ સયાજી હોસ્પિટલના આઇસોલેષન વોર્ડમાં દાખલ છે.  

રાજકોટમાં 3 કેસ 

રાજકોટ શહેરમાં વધુ 3 કોરોના પોઝિટિવ કેસ નોંધાયા છે. રાજકોટમાં પોઝિટિવ કેસની સંખ્યા 8 થઈ છે. હાલમાં રાજકોટમાં 5 કોરોના પોઝિટિવ દર્દીઓ સારવાર લઈ રહ્યાં છે. આજે રાજકોટમાંથી 11 દર્દીઓના સેમ્પલ લેવામાં આવ્યા હતા. 11માંથી 3 લોકોના રિપોર્ટ પોઝિટિવ આવ્યા, 9 લોકોનો રિપોર્ટ નેગેટિવ આવ્યા છે.  

અમદાવાદમાં 15, સુરતમાં 7, વડોદરામાં 9, ગાંધીનગરમાં 7, રાજકોટમાં 5 દર્દીઓ સારવાર લઈ રહ્યાં છે, ત્યારે વધુ 3 પોઝિટિવ કેસ આવતા કુલ સંખ્યા 8 થઇ છે. કચ્છમાં 1 દર્દી કોરોનાની સારવાર હેઠળ છે. 48માંથી 38 દર્દીઓ આંતરરાષ્ટ્રીય મુસાફરી કરીને આવેલા છે. ગુજરાતમાં 20 હજાર લોકોને 14 દિવસના કોરન્ટાઈનમાં રખાયા છે. તેમાંથી 575 લોકો સરકારી જ્યારે 19300 હોમ કોરન્ટાઈનમાં છે. હોમ કોરન્ટાઈનના ભંગ બદલ 236 લોકો સામે કેસ કરવામાં આવ્યો છે.
 

ક્યાં કેટલા દર્દી

• અમદાવાદમાં 15
• સુરતમાં 7
• વડોદરામાં 9
• રાજકોટમાં 8
• કચ્છમાં 1
• ગાંધીનગરમાં 7
• ભાવનગરમાં 1