ગુજરાત / અત્યાર સુધી જે જિલ્લામાં એક પણ કેસ નહોતો નોંધાયો ત્યાં પણ પહોંચ્યો કોરોના, હવે માત્ર 3 બચ્યા

• ગુજરાતમાં કોરોનાથી 3 જિલ્લા મુક્ત
• સુરેન્દ્રનગર જિલ્લામાં નોંધાયો પ્રથમ કેસ
• ડાંગ પણ કોરોનાની ઝપેટમાં

કયા જિલ્લામાં હજુ સુધી નથી નોંધાયા કેસ

ગુજરાતના 30 જિલ્લા કોરોનાગ્રસ્ત થઈ ચુક્યા છે ત્યારે અમરેલી, દેવભૂમી દ્વારકા અને જૂનાગઢમાં એક પણ કેસ નથી નોંધાયો. 

સુરેન્દ્રનગરમાં નોંધાયો પ્રથમ કેસ

અત્યાર સુધી કોરોનાથી મુક્ત રહેલુ સુરેન્દ્રનગરમાં પણ હવે પ્રથમ કેસ આવી ગયો છે. જો કે, હવે સુરેન્દ્રનગર જિલ્લામાં પણ કોરોનાનો પ્રથમ કેસ આવ્યો છે. સુરેન્દ્રનગર જિલ્લાના થાનમાં એક 61 વર્ષિય વ્યક્તિમાં કોરોનાનો ચેપ લાગ્યો હોવાનુ સામે આવ્યુ છે. ત્યારે હવે આ જિલ્લો પણ બાકત થતાં હવે માત્ર 3 જિલ્લા જ બાકી રહ્યા છે.

ગઈકાલે ડાંગમાં કોરોનાના પ્રથમ કેસ

આ ઉપરાંત ડાંગ જિલ્લામાં કોરોનાનો પહેલો કેસ નોંધાયો હતો. મૂળ ડાંગની એક યુવતીને કોરોના પોઝીટીવ થયા હોવાનુ જાણવા મળ્યુ છે.  

અમદાવાદ જિલ્લો નંબર વન છે

ગુજરાત ભારતમાં બીજા નંબરે છે. કુલ કેસની સંખ્યા વધી રહી છે અને કોરોનાથી મોત પણ વધી રહ્યા છે. અમદાવાદની સ્થિતિ દયનિય છે. અમદાવાદમાં કોરોનાના 1652 કેસ નોંધાયા છે અને 69 લોકોના મોત થયા છે.