કોરોનાએ ગુજરાત મોડેલની હવા કાઢી નાંખી છે. ગુજરાતમાં કેસ જે રીતે વધી રહ્યા છે તે જોઈને ગુજરાતના બીમાર આરોગ્ય વિભાગને ઊઘાડું પડી દીધું છે. આરોગ્ય વિભાગ સબ સલામતના દાવા વચ્ચે મૃત્યુઆંક 100ને વળોટી ગયો છે જ્યારે કોરોનાના પોઝિટિવ કેસની સંખ્યા 2559 પર પહોંચી ચૂકી છે. જેથી હવે દેશમાં કોરોનાના કેસમાં ગુજરાત બીજા નંબરે આવીને ઊભું છે.
કોરોનાને કારણે ગુજરાતનું આરોગ્ય વિભાગ ઉઘાડુ પડ્યુ
LGથી લઈને સોલા સિવિલ જેવી સરકારી હોસ્પિટલોમાં સ્ટાફ કોરોનાગ્રસ્ત
બિમાર સ્વાસ્થય વિભાગ કોરોનાને કેમ નાથશે?
ગઈકાલ સાંજે આરોગ્યવિભાગના અગ્રસચિવ જયંતિ રવિની પત્રકાર પરિષદ બાદ રાજ્ય કોરોના પોઝિટવના નવા 152 કેસ નોંધાયા છે. અને વધુ 2 લોકોના મોત થયા છે. નવા 152 કેસ નોંધાતા કુલ દર્દીઓ ની સંખ્યા 2559 પર પહોંચી ગઈ છે જ્યારે 2 વધુ લોકના મોતને કારણે કુલ મૃત્યુ 105 પર પહોંચ્યો છે.
આજે ક્યાં નોંધાયા નવા કેસ
સૌથી વધુ અમદાવાદ ના 94 કેસ નોંધાયા છે જ્યારે સુરત 30 કેસ, વડોદરા 14, આણંદ 3, બનાસકાંઠા અને ગાંધીનગર માં 2, અરવલ્લી, ભાવનગર, બોટાદ, છોટા ઉદેપુર, નર્મદા, પંચમહાલ અને વલસાડ માં થી 1-1 કેસ સામે આવ્યા છે. આમ કુલ આંકડો 2559 પર પહોંચ્યો છે.
કોરોનાના કેસમાં ગુજરાત દેશમાં બીજા નંબરે
આજના 152 નવા કેસ સાથે ગુજરાતમાં કોરોના પોઝિટિવ નોંધાયેલા કેસનો કુલ આંકડો 2559 પર પહોંચ્યો હતો. જે હવે દેશમાં મહારાષ્ટ્રના 5649 કેસ (22 એપ્રિલ સુધી) બાદ બીજા નંબરે છે. જ્યારે મોતના આંકડામાં (105) પણ ગુજરાતે બીજો ક્રમ જાળવી રાજ્યના આરોગ્ય વિભાગની તૈયારીઓની પોલ ખોલી નાંખી છે.
ક્રમ
રાજ્ય
કેસ
મોત
1
મહારાષ્ટ્ર
5649
269
2
ગુજરાત
2559
105
3
દિલ્હી
2248
48
ગુજરાતમાં કોરોનાના કેસ વધી રહ્યાં છે ત્યારે ફ્રન્ટલાઈન પર કામ કરતા જેવા મનપાકર્મી, પોલીસકર્મી, સફાઈકર્મી સહિત ફાયરના જવાન સુદ્ધાં કોરોનાનો શિકાર બન્યાં છે. જેથી કહી શકાય કે બચાવનારા પણ બચી નથી શક્યા.
કોરોનાને કારણે ગુજરાતનું આરોગ્ય વિભાગ ઉઘાડુ પડ્યુ
ગુજરાતમાં કોરોનાને લઈને જાન્યુઆરીથી તૈયારીઓ થઈ રહી હતી તો પછી ખુદ સ્વાસ્થ્ય વિભાગના અને સરકારી વિભાગના લોકો જ કોરોનાની ઝપેટમાં કેવી રીતે આવ્યા? માસ્ક ખરીદી જાન્યુઆરીથી કરાઈ હતી તો હજુ પણ ખુદ મનપાના કોરોનાગ્રસ્ત મેડિકલ ઓફિસરે વીડિયો વાયરલ કરીને કેમ મદદ માંગવી પડી રહી છે.
LGથી લઈને સોલા સિવિલ જેવી સરકારી હોસ્પિટલોમાં સ્ટાફ કોરોનાગ્રસ્ત
LG હોસ્પિટલમાં તબીબ સહિત 30થી વધુ લોકો કોરોનાગ્રસ્ત બન્યા હતા તો સિવિલમાં પણ કેસ સામે આવ્યા હતા. LG હોસ્પિટલના નર્સિંગ સ્ટાફ અને સિવિલ હોસ્પિટલના નર્સિંગ સ્ટાફે પણ વીડિયો વાયરલ કરીને તેમના ટેસ્ટ કરાવવાથી લઈને તેમને કોરોનાગ્રસ્ત દર્દીઓની સારવાર માટેના સાધનો માંગવાની ફરજ પડી હતી.
કોરોના ગ્રસ્ત દર્દીઓને રખડાવ્યા
કોરોના પોઝિટિવ આવેલા દર્દીઓને ખાટલા ન સોંપાતા તેમને રખડવાનો વારો આવ્યો હતો. એક કોરોનાનું દુખ ઉપરથી આ રીતે હડધૂત થયેલા દર્દીઓએ પણ વીડિયો વાયરલ કરીને મદદ માંગવી પડી હતી.
પોલીસકર્મી અને ફાયરના જવાન કોરોનાની ઝપેટમાં
રાત દિવસ બંદોબસ્તમાં તૈનાત જવાનોના સ્વાસ્થની દરકાર બિમાર સ્વાસ્થય વિભાગને કેમ નહોતી તે તો તે જ જાણે પણ આ ફ્રન્ટ વોરિયર્સના પરિવારથી દૂર ફરજ પર હતા ત્યારે તેઓ પણ કોરોના ગ્રસ્ત બન્યા છે. 50થી વધુ જવાનો કોરોનાનો શિકાર બન્યા છે.