ગુજરાતમાં ફ્રન્ટલાઈન કોરોના વોરિયર્સ કોરોનાનો શિકાર બની રહ્યા છે. તેમાંય ખાસ કરીને પોલીસકર્મી અને બંદોબસ્તમાં તૈનાત જવાનો પણ કોરોનાનો ભોગ બની રહ્યા છે. અમદાવાદ બંદોબસ્તમાં ગોઠવાયેલા ગોધરના SRPના 17 જવાનો કોરોનાગ્રસ્ત આવતા તંત્ર દોડતું થઈ ગયું છે.
22 માંથી 17 જવાનોનો રીપોર્ટ આવ્યો પોઝિટિવ
અમદાવાદના વિસ્તારોના બંદોબસ્તમાં ગોઠવાયા હતા
તમામ જવાનોને હાલ સારવાર માટે ખસેડાયા
પંચમહાલના ગોધરા SRP ગ્રુપ-5ના 17 જવાનોનો કોરોના પોઝિટિવ આવ્યો છે. ગોધરાની A કંપનીના 17 જવાનોનો કોરોનાની પુષ્ટી કરવામાં આવી છે. A કંપનીના કુલ 22 જવાનોના સેમ્પલ લેવામાં આવ્યા હતા. 22 માંથી 17 જવાનોનો રિપોર્ટ પોઝિટિવ આવ્યો છે. અમદાવાદના વિસ્તારોના બંદોબસ્તમાં ગોઠવાયા હતા. હાલ તમામ જવાનોને સારવાર માટે ખસેડાયા છે. આ તમામ લોકો કોટ વિસ્તારમાં બંદોબસ્તમાં હતા.
ગાંધીનગર હાલીસા ગામના SRP જવાન કોરોના પોઝિટિવ
ગાંધીનગર હાલીસા ગામના SRP જવાન પણ કોરોના પોઝિટિવ હોવાનું સામે આવ્યું હતુ. SRP જવાન અમદાવાદમાં ફરજ બજાવતો હતો. અમદાવાદ આરોગ્ય વિભાગની ટીમ સાથે ફરજ પર હતા.16 એપ્રિલ જવાનનો લેબ ટેસ્ટ કરવામાં આવ્યો. 22 એપ્રિલ જવાનનો કોરોના પોઝિટિવ રિપોર્ટ આવ્યો. જવાનના પરિવારના તમામ સભ્યને કોરોટાઇન કરવામાં આવ્યા. આરોગ્ય વિભાગે હલીસા ગામને ક્લસ્ટર કન્ટેન્ટમેન્ટ જાહેર કર્યું.
અમદાવાદ કોરોનાનું એપી સેન્ટર બની ચુક્યુ છે અને મે મહિનામાં કોરોના બોમ્બ ફાટવાનો હોવાનું ખુદ અમદાવાદ મ્યુ. કમિશનર કહે છે.