ગુજરાત ભાજપ ના પ્રવકતા ભરત પંડ્યા કોરોના સંક્રમિત થયા છે. સારવાર માટે યુ એન મહેતા હોસ્પિટલ ખસેડાયા. ભરત પંડ્યા સી આર પાટિલના ઉત્તર ગુજરાતના પ્રવાસમાં સાથે હતા
સી.આર. પાટીલના કાર્યક્રમમાં જોડાયેલા વધુ એક નેતા કોરોના સંક્રમિત
ભાજપ પ્રદેશ પ્રવક્તા ભરત પંડ્યાનો કોરોના રિપોર્ટ પોઝિટિવ
અગાઉ સૌરાષ્ટ્ર ભાજપના નેતાઓ થયા હતા સંક્રમિત
ભાજપ પ્રદેશ પ્રમુખ સી.આર. પાટીલના કાર્યક્રમમાં જોડાયેલા વધુ એક નેતાનો કોરોના રિપોર્ટ પોઝિટિવ આવ્યો છે. ભાજપ પ્રદેશ પ્રવક્તા ભરત પંડ્યાનો રિપોર્ટ પોઝિટિવ આવ્યો છે. આ અગાઉ સૌરાષ્ટ્ર ભાજપના નેતાઓ સંક્રમિત થયા હતા.
પાટણની મુલાકાત દરમિયાન પાટિલ સાથે ભરત પંડ્યા પણ ગયા હતા અને આ કાર્યક્રમ બાદ ભરત પંડ્યાનો કોરોના રિપોર્ટ પોઝિટિવ આવ્યો છે. તમને જણાવી દઈએ કે કોરોનાનું સંકટ હોવા છતા સી.આર. પાટીલના કાર્યક્રમ યોજાયા હતા. અને સૌરાષ્ટ્ર મુલાકાત બાદ પણ અનેક નેતાઓના રિપોર્ટ પોઝિટિવ આવ્યા હતા.
કમલમમાં 7 કોરોના પોઝિટિવ
ભાજપના પ્રદેશ પ્રવક્તા ભરત પંડ્યા ઉપરાંત પ્રદેશ કાર્યાલય કમલમના પ્રદેશ કાર્યલાયના મંત્રી પરેશ પટેલ, મહિલા મોરચાના કાર્યાલય મંત્રી મોના રાવલ, ટેલિફોન ઓપરેટર રાકેશ પંડ્યા, સફાઈકર્મીઓને લાવનાર ડ્રાઈવર, 2 સફાઈકર્મી કોરોના પોઝિટિવ આવ્યા છે. કમલમમાં કોરોનાના પોઝિટિવ કેસ આવતા કાર્યાલયની ઓફીસ બહાર રીબીનવાળા બેરિકેડ લગાવવામાં આવ્યા છે.
ભાજપમાં પાટીલની રેલીઓ બાદ કોરોનાનો રાફડો ફાટ્યો
સૌરાષ્ટ્રમાં પણ સી આર પાટીલના પ્રવાસ બાદ કોરોનાનો રાફડો ફાટ્યો હતો. એક પછી એક ભાજપના નેતાઓ કોરોનામાં સપડાયા હતા.