કોરોના વાયરસે ચીનમાં મહામારીનો માહોલ પેદા કર્યો છે લોકોનો જીવનજરૂરિયાતની વસ્તુ નથી મળી રહી. પાણીની બોટલથી લઈને તમામ રાશન પાણીના ભાવ આસમાને પહોંચ્યા છે. એવામાં ગુજરાતના વિદ્યાર્થીઓએ પોતાને વ્યથા વતન સુધી પહોંચતી કરી છે. ચીનના વુહાન, હુબેઈ વગેરે જેવા શહેરોમાં હજારો ગુજરાતી વિદ્યાર્થીઓ અભ્યાસ કરી રહ્યા છે. જ્યાં હાલ કોરોના વાયરસને પગલે શહેરો લોકડાઉન કરવામાં આવ્યા છે.
2 યુવતીઓ ચીનની હોસ્ટેલમાં ફસાતા પરિવાર ચિંતાતુર
રિયા પટેલ-વક્તાપુર અને દીપાલી પટેલ - વરધરીની મૂળ વતની
વિધાર્થીને જીવન જરૂરિયાતની વસ્તુઓ ન મળતી હોવાનું બહાર આવ્યું
ચીનમા કોરોના વાયરસનો કેર યથાવત છે. ગુજરાતના કેટલાક વિદ્યાર્થીઓ પણ ચીનમાં ફસાયા છે. મહીસાગરના 3 વિદ્યાર્થીઓ ચીનના હુવેઇ શહેરમાં છે.
MBBSના વિદ્યાર્થીઓમાં વક્તાપુરની વતની રિયા પટેલ અને વરધરીની મૂળ વતની દિપાલી પટેલ હુબેઇની હોસ્ટેલમાં રહે છે. હાલ કોરોના વાયરસના કારણે તેમને જીવન જરૂરિયાની વસ્તુ પણ ન મળતી હોવાની માહિતી મળી છે.
પાણીની બોટલનો ભાવ 1500 રૂપિયા
જે પાણીની બોટલ અગાઉ 20 કે 30 રૂપિયામાં મળતી તે અત્યારે 1500 રૂપિયામાં મળે છે. ખાવા-પીવાની વસ્તુઓ માટે પણ ભારે લૂંટ ચલાવવામાં આવી રહી છે. વુહાનમાં વિદ્યાર્થીઓ પાસે ખાવા પીવાનું ખૂટી ગયું છે. આઠ દિવસથી વધારે રાશનનો જથ્થો ન હોવાને કારણે હાડમારીનો મહોલ પેદા થયો છે.
ગુજરાત સરકાર કરી રહી છે પ્રયાસ
નોંધનિય છે કે ચીનના હુવેઇ શહેરમાં જ સૌથી વધુ કોરોનાના દર્દીઓ નોંધાયા છે. ત્યારે સંતાનો હુવેઇ શહેરમાં હોવાથી માતા પિતા ચિંતત છે અને વહેલી તકે પરત લાવવા માટે માંગ કરી છે. નોંધનિય છે કે. ચીનમાં ફસાયેલા ભારતીય લોકોને પરત લાવવા માટે વિજયરૂપાણી અને જયશંકર સમક્ષ રજૂઆત કરવામાં આવી છે. આ સ્થિતિને જોતા ભારતીય દૂતાવાસ હરકતમાં આવ્યું છે અને ઝડપથી ભારતીયોને સ્વદેશ પહોંચાડવા માટે તજવીજ હાથ ધરી છે.