ગુજરાતમાં કોરોનાની મહામારીએ હાહાકાર મચાવ્યો છે. કોરનાના 8903 કેસ ગઈકાલ સુધીમાં નોંધાઈ ચુક્યા છે અને 537 લોકો પોતાનો જીવ ગુમાવી ચુક્યા છે. પણ અમરેલી જિલ્લામાં અત્યાર સુધી કોરોનાનો પડછાયો નહતો પડ્યો પરંતુ હવે અમરેલીમાં પણ કોરોનાની એન્ટ્રી થઈ ગઈ છે. અમરેલીમાં કોરોનાનો પ્રથમ કેસ સામે આવતા હવે ગુજરાતના તમામ જિલ્લા કોરોનાગ્રસ્ત થઈ ચુક્યા છે.
અમરેલી જિલ્લામાં પણ કોરોનાની એન્ટ્રી
અમરેલી જિલ્લામાં કોરોનાનો પ્રથમ કેસ
સુરતથી આવેલા 75 વર્ષીય વૃદ્ધાનો રિપોર્ટ પોઝિટિવ
અમરેલી એકમાત્ર એવો જિલ્લો હતો જ્યાં કોરોનાનો એકપણ કેસ નહતો નોંધાયો ત્યારે હવે અમરેલીમાં પણ કોરોનાના કેસ નોંધાતા ફફડાટ ફેલાઈ ગયો છે. અમરેલીમાં સુરતથી આવેલા 75 વર્ષીય વૃદ્ધાનો કોરોનાનો રિપોર્ટ પોઝિટિવ આવ્યો છે.
કોણ છે સુરતથી આવેલ કોરોના પોઝિટિવ દર્દી
ટીમ્બલા ગામના 75 વર્ષીય વૃદ્ધાનો રિપોર્ટ પોઝિટિવ આવ્યો છે. વૃદ્ધાનું ચેકઅપ કરનાર 3 ડોક્ટરોને પણ ક્વોરન્ટાઇન કરાયા છે. આરોગ્ય વિભાગે કોરોનાના પ્રથમ કેસની પુષ્ટિ કરી છે.
સુરતથી અમરેલી પહોંચ્યો કોરોના
ગ્રીન ઝોન અમરેલીમાં સુરતથી કોરોનાની એન્ટ્રી થઈ છે. સુરત વસતા ઘણા ખરા સૌરાષ્ટ્રના લોકો વતન પરત ફરી રહ્યા છે ત્યારે સાથે સાથે કોરોનાનું સંક્રમણ પણ લઈ જઈ રહ્યા છે. અગાઉ પણ જૂનાગઢમાં કોરોનાની એન્ટ્રી આ જ રીતે થઈ હતી.