કોરાના વાયરસના વધી રહેલા કેસ ગુજરાત માટે ચિંતાજનક છે ત્યારે બીજી બાજુ કોરોનાગ્રસ્ત લોકોની કાળજી રાખવામાં COVID19ની હોસ્પિટલ ઉણી ઉતરી રહી છે. વારંવાર સિવિલ અને SVP હોસ્પિટલના દર્દીઓના વીડિયો વાયરલ થાય છે. ફરી એકવાર SVPની બેદરકારીના નમૂના સમાન કોરોનાના દર્દીનો વીડિયો વાયરલ થયો છે.
એસવીપીમાં દર્દીને સવારનું ભોજન મળે છે બપોરે 2.30 વાગ્યે
મોટી ઉમરના દર્દીની પણ નથી લેવાતી યોગ્ય કાળજી
દર્દીઓએ સાથે મળીને હોસ્પિટલ સત્તવાળાને કરી ફરીયાદ
અમદાવાદની SVP હોસ્પિટલની ફરી એક બેદરકારી સામે આવી છે. દર્દીઓની સારવાર અને કાળજી રાખવામાં હોસ્પિટલની બેદરકારી જરાય ઓછી નથી થતી. SVPમાં દર્દીઓને ભોજનમાં તકલીફ પડતી હોવાનો વીડિયો સામે આવ્યો છે. સવારનું ભોજન દર્દીઓને છેક બપોરે અઢીવાગે મળે છે.
મોટી ઉંમરના દર્દીઓને હૂંફ અને કાળજીની વધુ જરૂર હોય છે પરંતુ તેમની કોઈ કાળજી લેવાતી નથી. દર્દીઓએ સાથે મળીને વારંવાર હોસ્પિટલ સત્તાવાળાઓને રજૂઆત કરી હોવા છતાં તંત્ર જરાય માનતી નથી. આ અંગેનો વીડિયો અગાઉ પણ જાહેર થઈ ચુક્યા છે.
સળગતા સવાલ
કેમ વારંવાર સૌથી મોટી કોવિડ હોસ્પિટલ આવે છે વિવાદમાં?
SVP હોસ્પિટલમાં દર્દીઓને અપાય છે હલકી ગુણવત્તાનું ભોજન?
હોસ્પિટલમાં દાખલ દર્દીઓને નથી મળતું ટાઇમે ભોજન?
કોરોના સંકટ વચ્ચે પણ કેમ દર્દી પ્રત્યે તંત્ર રાખે છે ઉદાસીનતા?
યોગ્ય સમયે ભોજન ન મળતા દર્દીઓના સ્વાસ્થ્ય પર અસર
શું આવી રીતે કોરોના દર્દીઓ થશે સાજા?
હોસ્પિટલમાં તમામ સુવિધા હોવાની માત્ર મોટી મોટી વાતો?