અમદાવાદમાં કોરોના બેકાબૂ બન્યો છે અને હવે તે શિક્ષણ સંસ્થાઓમાં તાંડવ મચાવી રહ્યો છે.
અમદાવાદ IIMમાં કોરોનાનો પગપેસારો
IIM-Aમાં 22 કેસ કોરોના પોઝિટીવ
કેમ્પસના 80 રૂમ માઈક્રો કન્ટેઈન્મેન્ટ ઝોનમાં
અમદાવાદના IIMમાં કોરોનાએ પગ પેસારો કર્યો છે. IIMમાં 22 કેસ પોઝિટિવ આવતા ખળભળાટ મચી ગયો છે. IIMના 80 રૂમ કન્ટેનમેન્ટ ઝોનમાં મુકાયા છે. IIM ગેટ પાસે ટેમ્પરેચર ચેક કર્યા બાદ એન્ટ્રી અપાઈ રહી છે. શહેરમાં કોરોના બેકાબુ બની રહ્યો છે. શહેરમાં સતત 5માં દિવસે હાઇએસ્ટ 506 કેસ આવ્યા છે.
ગુજરાતમાં કોરોના બેકાબૂ
ઉલ્લેખનીય છે કે, રાજ્યમાં છેલ્લા 3 દિવસથી ચિંતાજનક વધારો નોંધાયો છે. સોમવારે રાજ્યમાં 1640 કેસ, મંગળવારે 1730 કેસ અને આજે 1790 કેસ નોંધાયા છે. આમ ગુજરાતમાં કોરોના સંક્રમણ દિવસેને દિવસે ચિંતાજનક રીતે વધી રહ્યું છે તે સ્પષ્ટ છે.
મહારાષ્ટ્રની જેમ ગુજરાતમાં પણ ચિંતા વધી
મહારાષ્ટ્રની જેમ ગુજરાતમાં પણ કોરોનાનું સંક્રમણ દિવસેને દિવસે વધી રહ્યું છે. ખાસ કરીને આજે નોંધાયેલા કેસ એ ગુજરાતના ઇતિહાસમાં પ્રથમ વખત છે. જેમાં અત્યાર સુધીના સૌથી વધુ કેસ નોંધાયેલા છે.
સુરત અને અમદાવાદમાં કોરોનાનો હાહાકાર
સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. સુરત શહેરમાં રાજ્યના સૌથી વધુ 480 કેસ અને ગ્રામ્યમાં 102 નવા કેસ નોંધાયા છે. જ્યારે અમદાવાદ શહેરમાં 506 નવા કેસ, જ્યારે અમદાવાદ ગ્રામ્યમાં 8 કેસ નોંધાયા છે. વડોદરા શહેરમાં 145 કેસ, જ્યારે ગ્રામ્યમાં 20 કેસ નોંધાયા. રાજકોટ શહેરમાં 130 કેસ અને ગ્રામ્યમાં 30 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...
ગુજરાતમાં મળ્યા કોરોનાના નવા વેરિયન્ટના 39 કેસ
રાજ્યમાં કોરોનાના કહેરની વચ્ચે ગુજરાત માટે ચિંતાજનક સમાચાર સામે આવ્યા છે. ગુજરાતમાં કોરોના વાયરસના નવા વેરિયન્ટના 39 કેસ આવ્યા છે. જીનોમ સિક્વિન્સીંગમાં ડબલ મ્યૂટેન્ટ વાયરસની હાજરી જોવા મળી છે. તો 18 રાજ્યોમાં કોરોનાના 71 નવા કોવિડ વેરિયન્ટ મળ્યા છે. પંજાબમાં 336 સેમ્પલમાં, તેલંગાણામાં 87 સેમ્પલમાં, દિલ્લીમાં 65 સેમ્પલમાં અને મહારાષ્ટ્રમાં 56 સેમ્પલમાં કોરોના વાયરસના નવા વેરિયન્ટ મળ્યા છે.