ગુજરાતમાં કોરોના વાયરસના સૌથી વધુ કેસ અમદાવાદમાં નોંધાયા છે ત્યારે કન્ટેન્ટમેન્ટ ઝોનમાં પણ ખુલ્લેઆમ પાન-મસાલા વેચાતા હોવાનો વીડિયો વાયરલ થયો છે. રેડઝોન અમદાવાદમાં કોરોનાના કેસ ઉત્તરો ઉત્તર વધી રહ્યા છે. ગઈ કાલે 24 કલાકમાં 23 લોકોના કોરનાથી મોત થયા છે તેમ છતાં પોળમાં લોકો ખુલ્લેઆમ ફરી રહ્યા છે અને પાન-મસાલા, ગુટખા ખરીદી રહ્યા છે.
અમદાવાદના કાલુપુરની પોળમાં પાન મસાલાનું વેચાણ
પોળમાં ગેકાયદેસર પાન-મસાલાનું થાય છે વેચાણ
બમણા ભાવ લઈને તમાકુનું થાય છે વેચાણ
અમદાવાદમાં રેડ ઝોન જાહેર કરાયા બાદ પણ કેટલાક વિસ્તારમાં પાન મસાલાનું વેચાણ થઈરહ્યું છે. ત્યારે કાલુપુરની પોળમાં પાન મસાલાના વેચાણનો વીડિયો વાયરલ થયો છે. બમણા ભાવ લઈને પોળમાં તમાકુનું વેચાણ થાય છે.
— VTV Gujarati News and Beyond (@VtvGujarati) May 4, 2020
વીડિયો વાયરલ થતા પોલીસની કામગીરી પર પણ સવાલ
મળતી માહિતી મુજબ સવાર અને રાત્રે વેપારીઓ દુકાન ચલાવે છે અને લોકો પાસે મસાલાના ડબલ રૂપિયા વસૂલવામાં આવે છે. અમદાવાદમાં કોરોનાના દિવસે દિવસે કેસ વધતા સરકાર દ્વારા રેડઝોન જાહેર કરાયો છે. ત્યારે પાન-મસાલાની દુકાનનો વીડિયો વાયરલ થતા પોલીસની કામગીરી પર પણ સવાલ ઉઠી રહ્યા છે.