અમદાવાદમાં કોરોનાએ કાળો કહેર વર્તાવ્યો છે ત્યારે હવે અમદાવાદને બચાવવા માટે કેન્દ્ર સરકારે ખાસ ટીમ ઉતારી છે જેમણે એક પછી એક નિર્ણયો લેતા આજે અમદાવાદના અલગ અલગ વિસ્તારમાં ખાનગી હોસ્પિટલોમાં કોવિડ હોસ્પિટલની સેવા શરૂ કરવામાં આવી છે. એટલે એક મતલબ એવો પણ છે કે અમદાવાદમાં કેસની સંખ્યામાં થઈ રહેલો વધારો સરકારી તંત્ર પહોંચી વળે એના કરતા વધારે હશે. આ રહી ખાનગી હોસ્પિટલોની યાદી.
અમદાવાદમાં કોરોના કેસને લઈને તંત્ર બન્યું એલર્ટ
ખાનગી હોસ્પિટલોની કોવિડ સેન્ટર તરીકે લેવાશે મદદ
વધુ 8 ખાનગી હોસ્પિટલોમાં કોવિડ હોસ્પિટલ સેવા આજથી શરૂ
અમદાવાદમાં વધી રહેલા કેસો મુંબઈ પછી સૌથી વધુ છે ત્યારે અમદાવાદમાં હવે સરકારી હોસ્પિટલો કોરોનાના દર્દીઓ માટે ફૂલ થઈ રહી છે એવામાં વિસ્તાર વાઈઝ ખાનગી હોસ્પિટલોને કોવિડ હોસ્પિટલ તરીકેની સેવાઓ શરૂ કરવામાં આવી છે.
વધુ 8 ખાનગી હોસ્પિટલોમાં કોવિડ હોસ્પિટલ સેવા આજથી શરૂ
ચાંદખેડાની એસ.એમ.એસ મલ્ટી સ્પેશ્યાલિટી હોસ્પિટલ
કુબેરનગરની સિંધુ હોસ્પિટલમાં કોવિડ સેવા થશે શરૂ
આંબાવાડીની અર્થમ હોસ્પિટલમાં કોવિડ સેવા થશે શરૂ
બાપુનગરની સ્ટાર હોસ્પિટલમાં કોવિડ સેવા થશે શરૂ
મેમકોની આનંદ સર્જીકલમાં કોવિડ સેવા થશે શરૂ
સાયન્સ સીટીની સિમ્સ હોસ્પિટલમાં કોવિડ સેવા થશે શરૂ
મણિનગરની સરદાર પટેલ હોસ્પિટલમાં કોવિડ સેવા થશે શરૂ
કાંકરિયાની સિદ્ધિવિનાયક હોસ્પિટલમાં કોવિડ સેન્ટર થશે શરૂ
કેન્દ્ર કરી રહી છે સીધો હસ્તક્ષેપ
ગુજરાતમાં કોરોનાની સ્થિતિ વધુને વધુ ગંભીર બનવાની છે. પરિસ્થિતિ અમદાવાદ મનપા અને ગુજરાત સરકારના હાથમાં ન રહેતા કેન્દ્ર દ્વારા હસ્તક્ષેપ કરીને ખાસ ટીમને જવાબદારી સોંપવામાં આવી છે કે અમદાવાદની સ્થિતિ પર ગમે તેમ કરીને કાબૂ મેળવવો. ત્યારે કેન્દ્રએ પસંદ કરેલા અધિકારીઓ એક પછી એક નિર્ણયો સીધા CMO ઓફિસને બદલે PMO ઓફિસમાં જાણ કરીને લેતા હોવાનો પણ ગણગણાટ છે.