તંત્રના પાપે જનતાને ફ્રીમાં કોરોના મળી રહ્યો છે જી હા તેવા જ દ્રશ્ય હાલ અમદાવાદ ના લાલ દરવાજા માર્કેટમાં જોવા મળી રહ્યા છે એક તરફ ખરીદી કરવા ઉભરાતી ભીડ તો બીજી તરફ કોરોનાની ચેકપોસ્ટ તંત્રે ઉભી કરી છે તંત્રે કોરોના ટેસ્ટ ની ચેક પોસ્ટ ઉભી કરી કોરોનાને ડામવા પ્રયાસ કર્યો છે.
અમદાવાદમાં લોકોને નથી રહ્યો કોરોનાનો ડર
દિવાળીની ખરીદી માટે ટોળા ઉમટી પડ્યા
લાલ દરવાજા માર્કેટમાં સામાન્ય દિવસો જેવો માહોલ
જો કે બેદરકારી ની હદ જનતા ની સાથે તંત્ર એ પણ વટાવી છે કોરોનાને ડામવા ચેક પોસ્ટ પર લખ્યું છે વિના મુલ્યે કોરોના ટેસ્ટ જો કે વાસ્તવિતા જોઈએ તો વિના મુલ્યે કોરોના ને આમંત્રણ સમાન ચેક પોસ્ટ લાગી રહી છે લાલ દરવાજા માર્કેટમાં અનેક સ્ટોલ વચ્ચે કોરોનાની ચેક પોસ્ટ ઉભી કરતા જનતાના જીવ સાથે રમત થઇ હોય તેમ જોવા મળી રહ્યું છે
એક તરફ દિવાળીના ટાણે જનતા બેદરકાર બનીને માસ્ક વગર ખરીદી કરવા ઉમટી પડ્યાના દ્રશ્ય સામે આવી રહ્યા છે તો બીજી તરફ કોરોનાના પોઝિટિવ કેસ પણ આજ જનતા વચ્ચે ફરી રહ્યા છે અને ટેસ્ટિંગ કર્યા બાદ રોજ ના 25 થી વધુ કોરોના પોઝિટિવ કેસ આવી રહ્યા છે જ્યાં હજી પણ લોકોના સ્ટોલ પર ખરીદી કરવા ભીડ ઉમટે છે ત્યાં બાજુમાં જ કોરોના ચેક પોસ્ટ ઉભી કરતા અનેક સવાલો તંત્ર સામે થઇ રહ્યા છે