વિરોધ / કોરોના વોરિયર્સ આવી રહ્યા છે ઝપેટમાં: મેડિકલ સ્ટાફમાં મહિનાનું મોત થતા GSC હોસ્પિટલમાં હોબાળો

• અમદાવાદની GCS હોસ્પિટલમાં સ્ટાફનો હોબાળો
• મહિલા સ્ટાફનું મોત થતા કર્મચારીઓના હોસ્પિટલ પર આક્ષેપ
• સફાઈકર્મી અને હેલ્પર સ્ટાફના કર્મચારીઓની હડતાળ

અમદાવાદની GCS હોસ્પિટલમાં સ્ટાફે હોબાળો કર્યો છે. હોસ્પિટલમાં કામ કરતા મહિલા સ્ટાફનું મોત થતા કર્મચારીઓએ હોસ્પિટલ પર આક્ષેપ કર્યો છે. હોસ્પિટલ દ્વારા યોગ્ય સારવાર ન મળતા મોત થયું હોવાનો કર્મચારીઓએ આક્ષેપ કર્યો છે.  ત્યારે હવે સફાઈકર્મી અને હેલ્પર સ્ટાફના કર્મચારીઓ હડતાળ પર ઉતર્યા છે. કર્મચારીઓ હડતાળ પર ઉતરતા અન્ય દર્દીઓને મુશ્કેલીનો સામનો કરવો પડી રહ્યો છે.

રાજ્યમાં કોરોનાએ લીધેલા ભરડા વચ્ચે પણ પોતાની સેવા આપી રહેલા કોરોના વોરિયર્સ હવે કોરોનાના ચેપથી સંક્રમિત જોવા મળી રહ્યાં છે. અમદાવાદ શહેરની વાત કરીએ તો સરકારી હોસ્પિટલના 159 ડોકટર જ્યારે 39 ખાનગી ડોકટરો મળીને કુલ 197 ડોકટરો કોરોનાની ઝપેટમાં આવી ગયા છે. જેમાં સૌથી વધુ ડોકટરો શહેરની સરકારી સિવિલ હોસ્પિટલના છે. 

પ્રાપ્ત મળતી વિગત અનુસાર અમદાવાદ શહેરમાં આવેલી સિવિલ હોસ્પિટના 75 ડોકટર તેમજ સિવિલ કેમ્પસના 34 ડોકટરો કોરોના પોઝિટિવ છે. જ્યારે અન્ય હોસ્પિટલની વાત કરીએ તો એલજી હોસ્પિટલમાં 23, એસવીપીમાં 17 અને સોલા સિવલમાં 5 ડોકટરો કોરોના સંક્રમિત છે. 

સળગતા સવાલ

• તબીબો હોસ્પિટલના સ્ટાફની પણ નથી કરતા સારવાર?
• સ્ટાફની નહી તો, લોકોની યોગ્ય સારવાર થતી હશે?
• મહિલા સ્ટાફની કેમ સમયસર સારવાર ન કરાઈ?
• શું સમયસર સારવાર ન મળતા દર્દીનું મોત થયું?
• મહિલા દર્દીના મોતનું જવાબદાર કોણ?
• શું હોસ્પિટલમાં સિનિયર તબીબો નથી?
• સિનિયર તબીબો દ્વારા નથી કરાતી સરવાર?