ગુજરાતમાં કોરોનાની સ્થિતિ ખરાબ છે અને સૌથી ખરાબ હાલત અમદાવાદમાં છે ત્યારે GMDCમાં બનાવવામાં આવેલ ધન્વતંરી હોસ્પિટલ શરૂ થઈ નથી અને દર્દીઓની લાઈનો લાગી ગઈ છે.
અમદાવાદ નવી કોવિડ હોસ્પિટલની બહારના દયનીય દ્રશ્યો
ધન્વંતરિ હોસ્પિટલ શરુ ન થતા લોકોમાં રોષ
દર્દીઓના સ્વજનનોમાં રોષ
અમદાવાદની નવી કોવિડ હોસ્પિટલની બહારના દયનીય દ્રશ્યો જોવા મળી રહ્યા છે. ધન્વંતરિ હોસ્પિટલ શરુ ન થતા દર્દીઓના સ્વજનનોમાં રોષમાં જોવા મળ્યા હતા. દર્દીઓ કોરોનાની સારવાર લેવા રઝળી રહ્યા છે. પ્રાઈવેટ વાનહમાં લોકોએ વહેલી સવારથી જ આ હોસ્પિટલની બહાર લાઈનો લગાવી હતી.
દર્દીઓને પડી રહી છે હાલાકી
એક યુવક પોતાની માતાને રિક્ષામાં લઈને અમદાવાદની ખાનગી અને સરકારી હોસ્પિટલોમાં ફરી ચુક્યો છે ત્યારે તેને સારવાર માટે હોસ્પિટલમાં જગ્યા જ નથી મળી રહી. 2 દિવસથી વૃદ્ધ માતાને લઇ ફરતા દીકરાની વેદના જાણી ભલભલાનું કાળજુ કંપી જાય તેવી સ્થિતિ છે. યુવક કહે છે કે, બે દિવસથી માતાને લઈને સોલા સિવિલ, સિવિલ અને કેટલીય ખાનગી હોસ્પિટલોમાં ફરી રહ્યો છું. મારી મા બીમાર છે અને હોસ્પિટલમાં જગ્યા નથી મળી રહી. ડોક્ટરને કહી કે ક્યારે નંબર આવશે? તો કહે છે કે, અંદર દાખલ છે એમાંથી કોઈ મરશે તો તમારો નંબર આવશે. ક્યાંય કોઈ પણ સેવા નથી મળી. હવે આ હોસ્પિટલ નહીં ખુલે તો હું શું કરીશ.
GMDC ધન્વંતરિ હોસ્પિટલ જલ્દી શરૂ કરવા તબીબે અપીલ
અમદાવાદા શહેરમાં કોરોના બેકાબૂ બની રહ્યો છે. એમ્બ્યુલન્સની લાઇન મુદ્દે ડોક્ટરોની ખાનગી હોસ્પિટલોને અપીલ કરી છે. સિવિલની કેપેસિટી ફૂલ થતા અન્ય હોસ્પિટલમાં દર્દીઓ મોકલવા જોઇએ. GMDC ધન્વંતરિ હોસ્પિટલ જલ્દી શરૂ કરવા તબીબે અપીલ કરી છે. હોસ્પિટલ શરૂ થશે તો લાઈનો ઘટી શકે તેવું તબીબનું માનવું છે. દરેક જગ્યાએ ફર્યા બાદ દર્દીઓનો સિવિલમાં ભરાવો થઇ રહ્યો છે. તો ખાનગી હોસ્પિટલમાં બેડ વધારવા પણ સિવિલ તબીબો માંગ કરી રહ્યાં છે.
કેમ ખાસ છે આ હોસ્પિટલ?
જીએમડીસી ખાતે ડીઆરડીઓ દ્વારા બનાવાયેલી ધન્વંતરિ કોવિડ હોસ્પિટલ કુલ 950 બેડની છે, જેમાંથી 250 આઈસીયુ બેડ છે. હોસ્પિટલમાં સીટી સ્કેન ઉપરાંત તમામ પ્રકારના ટેસ્ટ થશે. 200થી વધુ મેડિકલ, પેરામેડિકલ સ્ટાફ ફરજ બજાવ હોસ્પિટલમાં 8 એમ્બ્યુલન્સ, 2 મોબાઇલ લેબોરેટરી વાનની સુવિધા પણ મળશે, જેમાં ટેસ્ટ કરાવી શકાશે. પણ આ બધી સગવડ ક્યારે મળશે તે રામ ભરોસે છે.