જીવલેણ વાયરસમાં એક ચોંકાવનારી વિગતો સામે આવી છે. GBRC દ્વારા ગુજરાતના 21 જેટલા શહેરો અને ગામમાંથી 227 જેટલા વાયરસના સેમ્પલ ભેગા કરવામાં આવ્યા હતા. જેમાં ચોંકવાનારૂં તથ્ય સામે આવ્યું છે. ગુજરાતમાં કોરોનાના કુલ 20 જેટલા જુદા દુજા પ્રકાર હોવાનું સામે આવ્યુ છે.
કોરોનાના કુલ 20 જેટલા જુદા જુદા પ્રકાર હોવાનું સામે આવ્યું
વાયરસ મ્યૂટન થઈ રહ્યો છે
વાયરસનો ટ્રેન્ડ બદલાઈ રહ્યો છે
સંશોધકોએ ગુજરાતના કોરોના વાયરસના સ્ટ્રેઇને વુહાનમાં મળી આવેલ કોરોના વાયરસના મૂળ પ્રકાર સાથે સરખાવ્યો હતો. ત્યારે જોવા મળ્યું કે આ વાયરસે જુદા જુદા પ્રદેશ અને સમય અનુસાર પોતાનામાં કેટલાક ફેરફાર કર્યા છે.
કોરોનાના કુલ 20 જેટલા જુદા જુદા પ્રકાર હોવાનું સામે આવ્યું
ગુજરાતમાં કોરોનાના કુલ કેસ પૈકી 70 ટકા કેસ એકલા અમદાવાદ જિલ્લામાં છે અને કોવિડ-19થી થયેલા કુલ મોત પૈકી 80 ટકા અમદાવાદ જિલ્લામાં નોંધાયા છે. આ ગંભીર સ્થિતિ પાછળ જવાબદાર કોરોનાના કુલ 20 જેટલા જુદા જુદા પ્રકાર હોવાનું સામે આવ્યું છે. ગુજરાત બાયોટેક્નોલોજી રિસર્ચ સેન્ટર (GBRC) દ્વારા કરવામાં આવેલ એનાલિસિસમાં સામે આવ્યું કે અમદાવાદ જિલ્લામાં સૌથી વધુ અલગ અલગ કોરોના વાયરસના પ્રકાર મળી આવ્યા છે.
વાયરસનો ટ્રેન્ડ બદલાઈ રહ્યો છે
આ પહેલા એવું સામે આવ્યું હતું કે માણસમાં આવેલો કોરોના વાયરસ દર મહિને 2 વાર પોતાનામાં ફેરફાર કરી રહ્યો છે અને સ્થાનિક આબોહવા અને તેને ધારણ કરનાર હોસ્ટ મુજબ ફેરફાર કરીને મ્યુટન્ટ બની રહેલો આ વાયરસ વધુ ખતરનાક સાબિત થઈ રહ્યો છે.
વાયરસ મ્યૂટન થઈ રહ્યો છે
GBRCના સંસોધન અનુસાર મૂળભૂત વાયરસ તો સેમ જ રહે છે પરંતુ પ્રદેશ પ્રમાણે તેનામાં ફેરફાર જોવા મળે છે. ગુજરાતમાં ત્રણ મુખ્ય પ્રકાર જોવા મળી રહ્યા છે. જે પૈકી જે સૌથી વધુ ખતરનાક છે તે પ્રકાર અમદાવાદ જિલ્લામાં જોવા મળી રહ્યો છે. જ્યારે વડોદરા અને સુરત જેવા શહેરો જ્યાં પણ બે-ત્રણ પ્રકારના વાયરસ મળી આવ્યા છે પરંતુ ત્યાં વાયરસ હજુ તેના મૂળભૂત સ્વરૂપમાં જ છે. અમદાવાદ જિલ્લામાં ગુજરાતમાં મળતા તમામ પ્રકારના કોરોના વાયરસ મળી આવે છે. કુલ સેમ્પલના 51 ટકા સેમ્પલ અમદાવાદ જિલ્લામાંથી લેવામાં આવ્યા હતા.
કોરોના વાયરસમાં 85 ટકા મ્યૂટેશન
GBRCએ મે મહિનામાં જ આ રિસર્ચ વિશે જણાવ્યું હતું કે, અમદાવાદ જિલ્લામાં મળી આવેલા વાયરસમાં 85 ટકા જેટલું મ્યુટેશન જોવા મળી રહ્યુ છે. રસીને વિકસિત કરવા માટે આ મ્યુટેશન બાદ તૈયાર થયેલા વધુ ખતરનાક વાયરસને ઓળખવો ખૂબ જ જરુરી છે. આ અભ્યાસના મહત્વને જોતા મોટા શહેરો જ નહીં નાના ગામડાઓમાંથી પણ મળી આવેલા વાયરસના સેમ્પલને ભેગા કરવામાં આવ્યા છે. આ જુદા જુદા પ્રકાર દ્વારા કોરોના મહામારીને સમજવામાં અને તેના ફેલાવાને સમજવામાં ખૂબ જ મદદ મળશે.