સ્પષ્ટતા / મૃતદેહ સોંપાયા બાદ દર્દી જીવિત છે મામલે સિવિલનો ખુલાસો : કહ્યું, ફોન કરવામાં ભૂલ થઈ

• સિવિલ બેદરકારી મામલે કેન્સર હોસ્પિટલ સુપ્રીટેન્ડટનું નિવેદન 
• ડો શશાંક પંડ્યાનુ નિવેદન, મૃતદેહ તે જ દર્દીનો હતો. 
• 28 મીના રોજ દર્દી ટ્રોમાં સેન્ટર મા આવ્યા હતા 

અમદાવાદની કેન્સર હોસ્પિટલની બેદરકારી મામલે સુપરિટેન્ડેન્ટ ડો શશાંક પંડ્યાએ નિવેદન આપ્યુ છે કે, ડાયબીટીસ હોવાના કારણે 28 મેના રોજ દર્દીને હોસ્પિટલમાં લવાયા હતા. હોસ્પિટલમાં લાવ્યાના 22 કલાકમા દર્દીનું મોત થયું. કોવિડનો રિપોર્ટ પેન્ડિંગ હોવાથી નિયમ મુજબ તેમની અંતિમવિધિ કરાઈ હતી.

રિપોર્ટ અંગે હોસ્પિટલના કંટ્રોલ રૂમ દ્વારા પરિવારને જાણ કરવામાં આવે છે. દર્દીના સગાઓને અનેક વખત સંપર્ક કરવાનો પ્રયાસ કર્યો હતો. ડોકટરથી અન્ય દર્દીની માહિતી ભૂલથી પરિવારને આપી દેવાઈ હતી. તબીબને ભૂલની જાણ થતા ફરીથી ફોન કરીને પરિવારને ફોન કરીને સમગ્ર ઘટનાની જાણ કરાઈ હતી. હોસ્પિટલ દ્વારા અન્ય કોઈ મૃતદેહ પરિવારને અપાયો નથી. મહત્વનું છે કે, દર્દીના અવસાનના એક દિવસ બાદ પરિવારને હોસ્પિટલમાંથી ફોન આવ્યો હતો. અને રિપોર્ટ લઈ જઈને દર્દીને ઘરે લઈ જવા માટે જણાવાયું હતુ. 

શું છે મામલો?  

અમદાવાદની સિવિલ હોસ્પિટલની ફરી એક વખત ગંભીર બેદરકારી સામે આવી છે. નિકોલ વિસ્તારમાં રહેતા એક ડાયાબીટીસના દર્દીને મૃત જાહેર કરવામાં આવ્યા છે. દર્દીને મૃત જાહેર કર્યા બાદ પરિવારે તેમનું અંતિમસંસ્કાર પણ કર્યુ. અંતિમ સંસ્કાર કર્યાના એક દિવસ બાદ પરિવારને સિવિલમાંથી દર્દીને ઘરે લઈ જવા માટે કહેવા માટે ફોન આવ્યો. દર્દીનો કોરોનાનો રિપોર્ટ નેગેટિવ આવ્યો હોવાનું સિવિલમાંથી જણાવાયું. 

રિપોર્ટ નેગેટિવ હોવાથી હોસ્પિટલમાંથી ઘરે લઈ જવા કહેવામાં આવતા અનેક સવાલ થયા. એક દિવસ પહેલા મોત થતા અંતિમસંસ્કાર પણ કરવામાં આવ્યા, તેમ છતા ફરીથી ફોન કરીને દર્દીને ઘરે લઈ જવાનું કહેવામાં આવતા અનેક સવાલ થયા છે. મળતી માહિતી મુજબ 29 મેના રોજ સિવિલમાંથી દર્દીને PPE કિટમાં મૃતદેહ સોંપાયો હતો. મૃતદેહ PPE કિટમાં હોવાથી ચહેરો બતાવવામાં આવ્યો ન હતો. ફરીથી સિવિલમાંથી ફોન આવતા પરિવારજનોએ ખોટી અંતિમવિધિ કરી કે, સિવિલમાંથી ખોટો ફોન આવ્યો તે અંગે સવાલ થઈ રહ્યા છે.