ભયજનક / અમદાવાદ સિવિલ હોસ્પિટલમાં દર કલાકે 50થી વધુ કોરોનાના દર્દી, 455 કોરોનો વોરિર્યસ સંક્રમિત

• સિવિલ હોસ્પિટલમાં અત્યાર સુધીમાં 455 વોરિયર્સ સંક્રમિત
• દર કલાકે સિવિલ હોસ્પિટલમાં 50થી વધુ દર્દીઓ પણ નોંધાઇ રહ્યા છે
• ક્રિટીકલ દર્દીઓની સંખ્યમાં વધારો

અમદાવાદ સિવિલ હોસ્પિટલમાં  સતત ધમધમી  એમબ્યુલન્સના સાયરનની ગુંજ સંભળાઈ રહી છે આ ગુંજ દર્શાવી રહી છે હોસ્પિટલમાં કોવિડ ના દર્દીઓની વધેલી સંખ્યા. એક એમ્યુલાન્સની સાથે દર કલાકે સિવિલ હોસ્પિટલમાં 50થી વધુ દર્દીઓ પણ નોંધાઇ રહ્યા છે ત્યારે 1200 બેડમાં 700થી વધુ કેસો સારવાર હેઠળ દાખલ કરાયા છે.

ક્રિટીકલ દર્દીઓની સંખ્યમાં વધારો

તો બીજી તરફ ક્રિટીકલ દર્દીઓની સંખ્યમાં વધારો થતા સિવિલની કિડની હોસ્પિટલમાં પણ કોવિડ વોર્ડ ઉભા કરાયા છે તો બીજી તરફ સિવિલ હોસ્પિટલમાં અત્યાર સુધીમાં 455 વોરિયર્સ સંક્રમિત થયા છે જેમાં હજી પણ  72 વોરિયર્સ સારવાર અર્થે એડમિટ છે  સિવિલ ની કિડની હોસ્પિટલમાં 250 દર્દીઓ,યુએન મહેતા માં 250 દર્દીઓ એડમિટ  અને કેંસલ વિભાગમાં 259 દર્દીઓ એડમિટ કરાયા છે. 

અમદાવાદમાં કોરોનાની બીજી લહેર ઘાતક બની શકે છે. અમદાવાદમાં ઝડપથી કોરોનાના કેસ વધી રહ્યા છે. સિવિલમાં કોરોનાના ગંભીર કેસોમાં વધારો થયો છે. 1200 બેડની હોસ્પિટલમાં ઓક્સિજન વપરાશ દોઢ ગણો વધ્યો છે. હોસ્પિટલમાં વેન્ટિલેટરની સંખ્યા વધારવાની ફરજ પડી છે. ટોસિલિઝુમેબ અને રેમિડીસીવીર ઇન્જેકશનનો 60 ટકા ઉપયોગ વધ્યો છે જ્યારે 40 હજાર લીટરના ઓક્સિજનનો વધારો કરવો પડી રહ્યો છે. 1200 બેડમાં 200થી વધુ દર્દીઓની હાલત ગંભીર છે. 

કોરોનાથી મોતના આંકડામાં ઝોલ

કોરોના ગાઈડલાઈનથી સ્મશામનાં વધુને વધુ મૃતદેહોની અંતિમવિધિ કરાઈ રહી છે પરંતુ સ્માશનના ચોપડે કે, મરણના પ્રમાણપત્રણાં કોરોનાથી મોતનો ઉલ્લેખ ન આવતો હોવાથી મૃત્યુના સાચા આંકડામાં ગફલત ઉભી થતી હોવાના પણ આક્ષેપ થઈ રહ્યા છે. 

છેલ્લા 10 દિવસમાં શહેરમાં કોરોનાનો અજગર ભરડો

શહેરમાં છેલ્લા 8 દિવસમાં કુલ 2977 પોઝિટિવ કેસ નોંધાયા છે. જ્યારે શહેરમાં કોરોનાથી મૃત્યુઆંક 2026 થયો છે. જ્યારે છેલ્લા 7 દિવસમાં 68 દર્દીઓના કોરોનાના કારણે મૃત્યું થયા છે. 

 

અમદાવાદમાં કોરોનાનો કહેર 10 દિવસમાં કેટલા નોંધાયા કેસ?
 

અત્યાર સુધી 279 માઈક્રો કન્ટેનમેન્ટ ઝોન

અમદાવાદના સૌથી પૉશ ગણાતા વિસ્તારમાં હવે સંક્રમણ વધતાં વધારે ચિંતા થઈ છે. દિવસને દિવસે માઈક્રો કન્ટેનમેન્ટ ઝોન શહેરમાં વધી રહ્યાં છે. અત્યાર સુધીમાં અમદાવાદમાં કુલ 279 વિસ્તાર માઈક્રો કન્ટેનમેન્ટ ઝોનમાં સમાવેશ કરવામાં આવ્યો છે. નવા ઉમેરાયેલા સાઉથ ઝોનના 2, નોર્થ ઝોનના 2, સાઉથ વેસ્ટ ઝોનના 1, ઇસ્ટ ઝોનના 9, વેસ્ટ ઝોનના 7, નોર્થ વેસ્ટ ઝોનના 7 વિસ્તારને માઇક્રો કન્ટેન્મેન્ટમાં મૂકવામાં આવ્યા છે.

ગોતા,બોડકદેવ અને થલતેજ કોરોનાનું હોટ સ્પોટ

આપને જણાવી દઇએ કે, ગોતા,બોડકદેવ અને થલતેજ કોરોનાનું હોટ સ્પોટ બન્યા છે અને મોટા ભાગની સોસાયટી સીલ કરવામાં આવી છે અને સ્થાનિકોમાં પણ સન્નાટાભર્યો માહોલ જોવા મળી રહ્યો છે.