ગુજરાતમાં કોરોનાવાયરસે ભરડો લીધો છે ત્યારે જ્યાં સૌથી વધુ કેસ નોંધાયા છે એ અમદાવાદ માટે સારા સમાચાર આવ્યા છે અમદાવાદમાં કોરોનાના પોઝિટિવ કેસનો ડબલિંગ રેટ ઘટ્યો છે. ધીરે ધીરે પરિસ્થિતિ કાબુમાં આવી રહી છે તેમ છતાંય 15મી મે સુધી 10થી 15000 સુધી પોઝિટિવ કેસ પહોંચી જશે.
કોરોનાના કહેર વચ્ચે અમદાવાદ માટે સારા સમાચાર
અમદાવાદમાં સાજા થયેલા લોકોની સંખ્યા 313
આજે બપોરે 40 જણાને એસવીપીમાંથી ડિસ્ચાર્જ અપાશે
અમદાવાદ મ્યુનિસિપલ કમિશનર વિજય નેહરાએ જણાવ્યું હતુ કે, અમદાવાદમાં કોરોનાના કેસ ડબલિંગ રેટ 9 દિવસનો થયો છે. એક્ટિવ કેસના બમણા થવાનો રેટમાં ઘટાડો થયો છે. એક્ટિવ કેસનો ગ્રોથ રેટ 30-40 ટકાથી ઘટીને 8 ટકા પર આવ્યો છે. ડબલિંગ રેટને 5 ટકા સુધી પહોંચાડવાનો AMCનો પ્રયાસ છે.
17 એપ્રિલે કુલ સારવાર હેઠળના 557 દર્દીઓ હતા જે 3 દિવસમાં ડબલ થઈને ડબલ થઈને 1162 થયા હતા. 9 દિવસ પછી 29 એપ્રિલે 2314 કેસ થયા. આ રેટ પ્રમાણે 15 મે આસપાસ 10થી 15 હજાર કેસ થઈ શકે છે. ડબલિંગ રેટને 12 દિવસ સુધી પહોંચાડવાના AMCના પ્રયાસ છે.
દરિયાપુરમાં લોખંડવાલા હોસ્પિટલ કોવિડને સમર્પિત
આજે સવારે કોટ વિસ્તારમાં દરિયા પુર પાસે એક ઈશા ફાઉન્ડેશન સંચાલિત લોખંડવાલા હોસ્પિટલ છે જેને આવતીકાલથી અમદાવાદ મહાનગરપાલિકા અને ઈશા ફાઉન્ડેશન મળીને તેને કોવિડ કેર સેન્ટર તૈયાર કરવામાં આવશે. તમામ દર્દીઓની મફત સારવાર કરવામાં આવશે. મનપા તેમને તમામ સગવજ પુરી પાડશે. જરૂર હશે તો સ્ટાફ પણ આપીશું.
ચાંદખેડામાં 100 બેડની હોસ્પિટલ
એસએમએસ હોસ્પિટલ અને મેડિકલ કોલેજ છે તેને પણ કોવિડ કેર સેન્ટર તરીકે મનપાને સાથ આપીને દર્દી પાસેથી ચાર્જ લીધા વગર સારવાર આપવામાં આવશે અહિં 100 બેડની વ્યવસ્થા કરવામાં આવશે.
ખાનગી ક્લિનિકને આહ્વાન
અમદાવાદ મનપા કમિશનરે રેડઝોનમાં આવેલા ખાનગી ડોક્ટર સાથે મીટિંગ કરીને ફિવર ઓપીડી શરૂ કરવાની તૈયારી દર્શાવી છે. ખાનગી ડોક્ટરોના દવાખાનામાં તાવ આવેતો ફિવર ઓપીડિ શરૂ કરવામાં આવ્યા છે. રેડઝોનમાં આવેલા દવાખાનાઓમાં ફિવર ક્લિનિક ચાલુ કરવામાં આવશે. AMC દ્વારા તમામ સગવડ પુરી પાડવામાં આવશે. હોસ્પિટલનું ફ્યુમિગેશન કરવું પડે તો કરીશું.
આંકડાકિય માહિતી
234 નવા કેસ, 9ના મોત, 51 લોકો સાજા થયા છે. એક્ટિવ કેસ 2314 છે. 28 કેસ વેન્ટિલેટર પર, 2286 સ્ટેબલ છે. ટેસ્ટનો આંકડો 26770 પર પહોંચ્યો છે. દસ લાખની વસતિ 2462 થયા છે. 313 સાજા થયા છે. અત્યાર સુધી કુલ 2762 કેસ પોઝિટિવ આવ્યા છે. જેમાંથી 135 લોકોના મોત થયા છે.