Coronavirus / ખેડાવાલાના સંપર્કમાં આવેલ 10 લોકો કોરોના પોઝિટિવ, ગ્યાસુદ્દીન શેખનો રિપોર્ટ જુઓ શું આવ્યો

• હેલ્થ કર્મી અને મનપા કર્મી બની રહ્યા છે શિકાર
• ગુલબાઈ ટેકરામાં 7 કેસ પોઝિટિવ
• રામાપીર ટેકરાનું કરવામાં આવશે ટેસ્ટિંગ

અમદાવાદ મ્યનિસિપલ કમિશનર વિજય નેહરાએ પત્રકાર પરિષદ યોજીને અમદાવાદમાં કોરોનાની સ્થિતિ વિશે માહિતી આપતા જણાવ્યું હતુ કે, શહેર વિસ્તારમાં 433 કેસ નોંધાયા હતા નવા 42 કેસ  એટલે 475 કેસ છે. અત્યાર સુધીમાં 17 લોકોના મોત થઈ ચુક્યા છે અને કુલ 17 લોકોને રજા આપવામાં આવી. આજે 5 લોકોને રજા આપવામાં આવી છે. અત્યાર સુધીમાં 8687 સેમ્પલ લેવામાં આવ્યા છે. જેમાં છેલ્લા 24 કલાકમાં 747 ટીમ દ્વારા 1 લાખથી વધુ ઘરમાં 4 લાખથી વધુનું સ્ક્રિનિંગ કરવામાં આવ્યું

ધારાસસભ્ય  ઈમરાના ખેડાવાલાના સંપર્કમાં આવેલ ગ્યાસુદ્દીનનો રિપોર્ટ નેગેટિવ

વિજય નેહરાએ વધુમાં જણાવ્યું હતુ કે,  ધારાસભ્ય, કોર્પોરેટનો કોરોના રિપોર્ટ પોઝિટિવ આવ્યો હતો. તેમની સ્થિતિ સ્થિર છે. તેમના સંપર્ક આવેલા ગ્યાસુદ્દિન શેખનો કોરોના રિપોર્ટ પોઝિટિવ નેગેટિવ આવ્યો છે. શૈલેષ પરમારનો હજુ સુધી રિપોર્ટ આવ્યા નથી. ઈમરાન ખેડાવાલાના સંપર્કમાં આવેલા  10 બીજા લોકોના કેસ પોઝિટિવ નોંધાયા છે. 

શૈલેષ પરમારનો રિપોર્ટ પેન્ડિંગ

મનપા કમિશનર વિજય નેહરાએ સ્પષ્ટતા કરતા જણાવ્યું હતુ કે, કોરોના વાયરસનો ધારાસભ્ય શૈલેષ પરમારનો રિપોર્ટ હજુ પેન્ડિંગ છે. તેમના નામથી ફરતા થયેલા વોટ્સેપ મેેસેજમાં બીજા કોઈ શૈલેષ પરમાર છે જેમનો રિપોર્ટ પોઝિટિવ છે. 

હેલ્થ કર્મી અને મનપા કર્મી બની રહ્યા છે શિકાર

મોદી હોસ્પિટલના 1 આસિ. પ્રોફેસર, LG ના 2 ડોક્ટરનો રિપોર્ટ પોઝિટિવ આવ્યો છે. મનપાના નોર્થ વેસ્ટ ઝોનના આસિ.કમિશનર દેવેન ભટ્ટનો કોરોના રિપોર્ટ પોઝિટિવ છે. સાઈલેન્ટ કેરિયર કેસ વધ્યા છે. લક્ષણો ન હોય તો પણ કોરોના હોઈ શકે છે. 

ગુલબાઈ ટેકરામાં 7 કેસ પોઝિટિવ

બે દિવસ પહેલા એક કેસ પોઝિટિવ આવ્યો હતો. એટલે તે વિસ્તારમાં બીજા ટેસ્ટ કરવામાં આવતા 7 બીજા કેસ પોઝિટિવ આવ્યા હતા. 206 શંકાસ્પદ કેસના સેમ્પલ લેવાયા હતા જેમાંથી 6 કેસ પોઝિટિવ આવ્યા છે. 

રામાપીર ટેકરાનું કરવામાં આવશે ટેસ્ટિંગ

30 મેડિકલ ટીમ સાથે 10 હજારથી વધુુુુુુુુુુુુુુુુુ લોકોનું સ્ક્રીનીંગ કરવામાં આવશે અને શંકાસ્પદના ટેસ્ટ લેવામાં આવશે.