વિસ્ફોટ / અમદાવાદમાં કોરોનાની સ્થિતિ ભયજનક, મનપા હવે આકરા પાણીએ, પણ પાણી માથા સુધી આવી ગયુ

• સોશિયલ ડિસ્ટનસના ભંગ બદલ રૂ.50,000 દંડ
• ગુજરાત હાઈ કોર્ટ સામે આવેલ ક્રોમા સ્ટોર ને સીલ
• અમદાવાદ સિવિલ 1276 કોરોના દર્દીઓ સારવાર હેઠળ

ગુજરાત હાઈ કોર્ટ સામે આવેલ ક્રોમા સ્ટોર ને સીલ

 ગુજરાત હાઈ કોર્ટ સામે આવેલ ક્રોમા સ્ટોર ને સીલ કરવામાં આવ્યો છે, કારણકે જ્યારે અહીંયા દરોડા પડ્યા ત્યારે કોવિડ ગાઈડલાઈન નો ભંગ થતો હતો, અને એના જ કારણે ક્રોમા સ્ટોર સહિત 6 યુનિટોને સીલ કરી દંડ ફાટકરાયો છે.

સોશિયલ ડિસ્ટનસના ભંગ બદલ રૂ.50,000 દંડ

પંજાબ ઓટોમોબાઇલ્સ સાયન્સ સીટી, જય ભવાની,  કારગિલ ચાર રસ્તા, ખુશી મોબાઈલ શોપ, ગુરુકુલ રોડ, સંજીવની હોસ્પિટલ, ભુયગદેવ ચાર રસ્તા ને સીલ કરવા સાથે સોશિયલ ડિસ્ટનસના ભંગ બદલ રૂ.50,000 દંડ કરાયો છે.

1276 કોરોના દર્દીઓ સારવાર હેઠળ

અમદાવાદ સિવિલ હોસ્પિટલનો સ્ટાફ વધારાયો છે. કારણ કે કોરોનાની સ્થિતિ વણસી રહી છે. અન્ય જિલ્લાઓમાંથી 70 ડોક્ટર્સ ડેપ્યુટેશન પર બોલાવાયા છે જેમાં વડોદરા, સુરત, રાજકોટ, જામનગરથી ડોક્ટર બોલાવાયા એટલું જ નહીં પણ સિવિલ દ્વારા આપેલ વેન્ટિલેટર પણ પરત માંગવામાં આવ્યા છે. સિવિલ મેડિસિટી કેમ્પસમાં 1276 કોરોના દર્દીઓ સારવાર હેઠળ છે જ્યારે નવી કિડની હોસ્પિટલ માટે પણ ડોકટરોનો સ્ટાફ તૈયાર કરાયો 300 બેડની કોવિડ હોસ્પિટલ થોડા જ દિવસોમાં થશે શરૂ કરાઈ છે. અત્યાર સુધી 45,000 દર્દીઓએ સારવાર લીધી છે. 

ગુજરાતમાં તહેવારોની સિઝન અને શિયાળાની શરૂઆત બાદથી જ કોરોના વાયરસનો પારો ઉપર ચડી રહ્યો છે અને બે દિવસથી રેકોર્ડબ્રેક કેસ સામે આવી રહ્યા છે. અમદાવાદમાં મોતના આંકડા જોઇને રાજ્ય અને કેન્દ્ર સરકારની ચિંતામાં વધારો થઇ રહ્યો છે જ્યારે વડોદરા સુરત અને રાજકોટમાં પરિસ્થિતિ વણસી રહી છે. રાજ્ય સરકાર દ્વારા જાહેર કરવામાં આવેલ આંકડાઓ અનુસાર છેલ્લા 24 કલાકમાં 1598 કેસ સામે આવ્યા છે. 

છેલ્લા પાંચ દિવસના આંકડા 

ગુજરાતમાં નવા કેસ સામે આવ્યા બાદ સાજા થયેલા દર્દીઓની સંખ્યાનો આંકડો 1,87,969 પર પહોંચ્યો છે. આજે રાજ્યમાં કુલ 15 દર્દીઓની કોરોના વાયરસના કારણે મોત થઇ છે જે બાદ કુલ મૃત્યુઆંક 3953 પર પહોંચી છે. 

રાજ્યમાં હાલમાં 14732 એક્ટિવ કેસ

ઉલ્લેખનીય છે કે, રાજ્યમાં હાલમાં 14792 એક્ટિવ કેસ છે. રાજ્યમાં રિકવરી રેટ  90.93 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 69,887 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 76,90,779 પર પહોંચ્યો છે. તો ચિંતાજનક વાત એ પણ છે કે, રાજ્યમાં હાલ 89 લોકો વેન્ટિલેટર પર છે.