Coronavirus / 29 દેશોમાં પહોંચેલો કોરોના વાયરસ આફ્રીકી દેશોમાં ન પહોંચી શક્યો, આ છે ત્રણ કારણો

• આફ્રિકાની ગરમીમાં કોરોના વાયરસ માટે અનુકુળ નહીં
• આફ્રિકન દેશો કોરોના વાયરસ ન પ્રવેશે તે માટે કરી છે ખાસ વ્યવસ્થા
• બહારથી આવતા પ્રવાસીઓને અલગ રાખવામાં આવે છે

વુહાન અને આફ્રિકાની વચ્ચે રોજની 8 ફ્લાઈટો ચાલે છે

આફ્રિકાના એક પણ દેશમાં કોરોના વાયરસનો કેસ નોંધાયો નથી.  એક રિપોર્ટ મુજબ લગભગ 20 લાખ ચીની આફ્રિકામાં કામ ધંધા માટે વસવાટ કરે છે. આફ્રિકનો પણ અભ્યાસ અને વ્યાપાર માટે ચીન જાય છે. ચીનનાં કોરોના ગ્રસ્ત વુહાન અને આફ્રિકાની વચ્ચે રોજની 8 ફ્લાઈટો ચાલે છે. આફ્રીકાના સૌથી મોટા વિમાન ઈથોપિયન એરલાઈન્સમાં સૌથી મોટી સંખ્યા ચીની પ્રવાસીઓની હોય છે. 

આફ્રિકાના દેશો અત્યાર સુધી આ 3 કારણોસર કોરોના વાયરસથી બચ્યા છે

1.  કેન્યાના એક સંશોધન કારનું કહેવું છે કે બની શકે છે કે આફ્રીકામાં કોરોના વાયરસના દર્દીઓ હોય, પરંતુ આપણે તેની જાણકારી ન મેળવી શક્યાં હોઈએ નવું બની શકે. કેમ કે ત્યાં સારી લેબની સુવિધા નથી.  જોકે એક મીડિયા રિપોર્ટ મુજબ WHOના કહેવા પ્રમાણે પરિસ્થિતિ બદલાઈ ચુકી છે. ગત અઠવાડિયે 12થી વધારે દેશો સેનેગલમાં મળ્યાં હતા અને તેઓ વાયરસની તપાસ કેવી રીતે કરી શકાય તે શીખ્યા હતા. 

2. આફ્રિકાના મુખ્ય એરપોર્ટ તથા બંદરો પર સ્ક્રીનિંગ સુવિધા રાખવામાં આવી છે. ગત અઠવાડિયે આફ્રિકાના સિએરા લિયોનમાં 30થી વધારે નાગરિકો પહોંચ્યા હતા. તે તમામને ફ્રીટાઉનમાં અલગ રાખવામાં આવ્યાં છે.અહીંના સ્વાસ્થ્ય સુરક્ષા ડિરેક્ટર ડૉ. મો. એલેક્સ વેંડીનું કહેવું છે કે ચીનથી આવનારા તમામ લોકોને પહેલા 14 દિવસ અલગ રાખવામાં આવે છે. 

3 .આફ્રિકા કોરોના વાયરસ ફેલાવાના વાતાવરણની સરખામણીમાં ઘણું ગરમ છે. અત્યાર સુધીના અભ્યાસ મુજબ વિશેષજ્ઞોનું કહેવું છે કે 30-35 ડિગ્રીથી વધારે તાપમાનમાં તે જીવતા રહી શકતા નથી. ઉલ્લેખનીય છે કે 2 દિવસ પહેલા મિશ્રમાં એક વિદેશી નાગરિકમાં કોરોના વાયરસના લક્ષણો જોવા મળ્યા હતા. જેને તાત્કાલીક હોસ્પિટલમાં દાખલ કરવામાં આવ્યો હતો. હાલ તેની સ્થિતિ નિયંત્રણમાં છે.