પાકિસ્તાન / ઈમરાન ખાને પ્રજાને કહ્યું, ગભરાતા નહીં; લોકોએ જે જવાબ આપ્યો તે સાંભળી હસી પડશો

• પાકિસ્તાનની હાલત ખરાબ, મોટા ભાગની હોસ્પિટલોમાં સેનિટાઈઝેશનની વ્યવસ્થા પણ નથી
• ઈમરાન ખાને કહ્યું, પાકિસ્તાનની હાલત અમેરિકા કે યુરોપ જેટલી ખરાબ નથી

ઈમરાન ખાને તેમના સંબોધનમાં કહ્યું હતું કે પાકિસ્તાનના લોકોએ ગભરાવાની કોઇ જરૂર નથી. પાકિસ્તાનની હાલત અમેરિકા કે યુરોપ જેટલી ખરાબ નથી. આપણી 25 ટકા વસ્તી સાવ ગરીબીમાં જીવી રહી છે. તેથી લોક ડાઉન કરવું શક્ય નથી. 

લોકોએ સોશિયલ મીડિયા પર ઇમરાનને ટ્રોલ કરતાં લખ્યું છે કે તમે જ્યારે પણ ભાષણ આપો ત્યારે ગભરાશો નહીં તેવું કહો છો, પણ બાદમાં અમારે ડરવાનું જ આવે છે. અમને ખોટા દિલાસા આપવાના બંધ કરો અને નક્કર કામગીરી કરો.

જિયો ન્યૂઝના દાવા અનુસાર પાકિસ્તાનમાં આજે સવાર સુધીમાં કોરોના વાઈરસના ચેપના કુલ 237 કેસ સામે આવ્યા છે. અત્યાર સુધીમાં 2 લોકોનાં મોત નીપજ્યાં છે. પાકિસ્તાનમાં સૌથી મોટી સમસ્યા એ છે કે ચેપના શંકાસ્પદ દર્દીઓને ક્વારિન્ટાઈન કે આઈસોલેટ કરવા માટે કોઈ વ્યવસ્થા જ નથી. સિંધની કેટલીક સ્કૂલમાં શંકાસ્પદ દર્દીઓને રાખવામાં આવ્યા છે. અહીં એક જ હોલમાં 58 શંકાસ્પદ દર્દીઓને એકસાથે રાખવામાં આવ્યા છે. મોટા ભાગની હોસ્પિટલમાં પણ સેનિટાઈઝેશનની કોઈ વ્યવસ્થા નથી.