ચીનમાં કોરોના વાઈરસે હાહાકાર મચાવી દીધો છે. કોરોના વાઈરસના કારણે ચીનમાં મૃત્યુઆંક સાત સો ઊપર પહોંચી ગયો છે. જયારે કોરોનાનો ચેપ લાગ્યો હોય તેવા દર્દીની સંખ્યા 35 હજાર ઉપર પહોંચી ગઈ છે. ચીનમાં ઊભી થયેલી આ મહામારીનું ચિત્ર જેટલું આપણે સમાચારોમાં જોઈએ છે તેટલું જ નથી.
ચીનમાં મચ્યો છે હાહાકાર
કોરોના વાયરસે પરિવારને પાડ્યા વિખૂટા
જીવ બચાવવાના લોકોના હવાતિયાં
આ મહામારીએ ચીનમાં જે સ્થિતિ પેદા કરી છે તે બહુ ભયાનક છે. પરંતુ ચીન સરકારના કઠોર પ્રતિબંધોના કારણે ત્યાં ઊભી થયેલી ભયાનક સ્થિતિની તસવીર જગત સામે યથાસ્થરૂપે નથી આવી. પરંતુ આ સોશિયલ મીડિયાનો જમાનો છે જેમાં ગમે તેવી લોખંડી દીવાલો તોડીને પણ કોઈપણ સ્થળ કાળની માહિતી લોકો સુધી પહોંચી જાય છે.
પત્રકારની કરાઇ ધરપકડ
આપને જણાવી દઈએ કે, કોરોના વાઈરસે ચીનમાં ઊભા કરેલા ગંભીર સંકટની અસલી સચ્ચાઈ ચીની પત્રકાર ચેન કિયેશીએ જગત સામે રજૂ કરી દીધી છે...જો કે આ માટે તેને ધરપકડ વહોરવાની સજા ભોગવવી પડી છે. એ ચીની પત્રકારે હુબેઈ પ્રાંતની રાજધાની એવી વુહાનની સડકો પર કોરોનાના દર્દીઓ સાથે થઈ રહેવા વર્તાવની તસવીર ટ્વીટરના માધ્યમથી જગત સામે રજૂ કરી છે.
નક્કી કરેલી હદ વટાવવા પર મુકાયો પ્રતિબંધ
કોરોના વાઈરસનું સંક્રમણ વધારે ન ફેલાય તે માટે લોકો પર ઘરમાંથી બહાર નીકળવા પર અને નક્કી કરેલી હદ વટાવવા પ્રતિબંધ મૂકી દીધો છે છતાં કેટલાક નાગરિકો આ રીતે છટકીને ભાગવાનો પ્રયાસ કરી રહ્યા છે અને વહીવટીતંત્ર તેમને જબરજસ્તીથી પકડીને આઈસોલેશન કેન્દ્રમાં ધકેલી રહ્યા છે.
નાગરિકો છાનામાના પોતાની ગાડીમાં બેસીને ભાગવાનો કરે છે પ્રયાસ
સ્વતંત્ર હવામાં ઉછરેલા નાગરિકો ક્યાં સુધી કેદખાનામા રહે. સમગ્ર દુનિયાથી કટઓફ કરી નાખ્યા બાદ ક્યા સુધી સુવિધાના અભાવથી તડપવું? આ કંઈ એક દિવસની બાબત થોડી છે? કોને ખબર આ બંદીખાનાથી ક્યારે છૂટકારો મળે? આમ વિચારીને કેટલાક નાગરિકો છાનામાના પોતાની ગાડીમાં બેસીને ભાગવાનો પ્રયાસ કરે છે પરંતુ તેમને ક્યાંય છટકી શકે તેમ નથી. કેમ કે જો ભાગશો તો કંઈક આવું થશે.
કોરોના વાઈરસે અનેક પરિવારોને વિખૂટા પાડી દીધા છે
ચીનમાં આવી જ હાલત અનેક નાગરિકોની છે. એક તરફ કોરોના વાઈરસથી ભરેલો મોતનો કૂવો છે અને બીજી તરફ તંત્રએ ઊભી કરેલી સીમાની ઊંડી ખાઈ છે. ચીનમાં કોરોના વાઈરસે અનેક પરિવારોને વિખૂટા પાડી દીધા છે. .આ યુવતીને જુઓ તે રડી રહી છે. કહે છે કે, મમ્મી હું તને ખૂબ યાદ કરું છે. કેમ કે તેની મમ્મી વુહાન શહેરથીના આઈશોલેશન સેન્ટરમાં છે જ્યાં દીકરીને જવાની પરવાની નથી. મા-દીકરી સામસામે છે તોય મળી શકતા નથી. માતા પોતાની દીકરીને ભારે હૈયે વિદાય આપે છે. કેમ કે ફરી ક્યારે મળાય તે નક્કી નથી.