વેપાર / કોરોના વાયરસના કારણે સાઉદી અરબે કર્યું એવું કામ કે સમગ્ર વિશ્વમાં તેની અસર થઈ

• કોરોના વાયરસની અસર હવે દુનિયામાં ક્રૂડ ઓઇલની સપ્લાઇ પર દેખાઇ
• સાઉદી અરબે એશિયાના મોટા તેલ આયાતકારોને માર્ચ સુધીમાં ક્રૂડ ઓઇલની સપ્લાઇમાં ઘટાડો કર્યો
• રિફાઇનિંગ કંપનીઓની તરફથી ઉત્પાદનમાં ઘટાડા બાદ આ નિર્ણય લેવામાં આવ્યો

આ આખા મામલા સાથે જોડાયેલા સૂત્રોએ જણાવ્યું કે, રિફાઇનિંગ કંપનીઓની તરફથી ઉત્પાદનમાં ઘટાડા બાદ આ નિર્ણય લેવામાં આવ્યો છે. ઇન્ડસ્ટ્રી સાથે જોડાયેલા સૂત્રો મુજબ, કોરોના વાયરસ અને રેગ્યુલર મેન્ટેનન્સને પગલે ઉત્પાદનમાં ઘટાડો કરવામાં આવ્યો છે. સાઉદી અરબની સૌથી મોટી તેલ કંપની અરામકો તરફથી માર્ચ માટે સેલિંગ પ્રાઇસમાં આશા કરતા વધારે ઘટાડા બાદ આપૂર્તિમાં પણ ઘટાડાનો નિર્ણય લેવામાં આવ્યો છે. 

અરામકો સાથે જોડાયેલા સૂત્રોએ જણાવ્યુ કે, માર્ચ માટે તેલની ખરીદી કરનારના નોમિનેશનમાં પણ ઘટાડો જોવા મળ્યો છે. તેનું એક કારણ કોરોના વાયરસ (Coronavirus) છે જ પરંતુ મેન્ટેનન્સને કારણે પણ આમ થયું છે. જોકે સૂત્રોએ એ બતાવવાથી ઇન્કાર કરી દીધો કે તેલની આપૂર્તિમાં કેટલો ઘટાડો કરાયો છે. 

જોકે, એટલુ જરુર કહ્યું કે, સાઉદી કંપની અરામકોની તરફથી ચીની આયાતકારોને 10 ટકા તેલનો પૂરવઠો ઓછો આપવામાં આવી શકે છે. ચીનની રિફાઇનિંગ કંપનીઓ સિનોપેક કૉર્પોરેશન, પેટ્રોચાઇના, ચાઇના નેશનલ ઓફશોર ઓઇલ કંપની સહિત ઘણી અન્ય રિફાઇનરીઝે ક્રૂડ પ્રોસેસિંગ રેટમાં ઘટાડો કર્યો છે. 

નોંધનીય છે કે, ચીનમાં કોરોના વાયરસથી અત્યાર સુધીમાં 1100 લોકોના મોત થયા છે. જ્યારે 30,000થી વધારે લોકો આ વાયરસથી બીમાર છે. સંયુક્ત રાષ્ટ્ર દ્વારા મહામારી જાહેર કરાયેલ કોરોના વાયરસને પગલે દુનિયાની બીજી સૌથી મોટી અર્થવ્યવસ્થા મંદીથી પસાર થઇ રહી છે.