સોનું એક એવી ધાતુ છે કે ગરીબથી લઈ અમીર સુધી તમામ લોકો તેને પોતાની પાસે રાખવા માગે છે. તમામની ઈચ્છા હોય છે કે મારી પાસે વધારેમાં વધારે સોનું હોય. પરંતુ આ ધાતુ મોંઘી હોવાને કારણે બધા તેની ખરીદી નથી શકતા. જે લોકો ખરીદી નથી શક્તા તેમની ઈચ્છા તો હોય જ છે કે થોડા ઘણા નાણા ભેગા થાય તો તેનું સોનું ખરીદું.
સસ્તામાં મળી રહ્યું છે સોનું!
સોનાની ચમક થઈ આછી
ભાવ ઘટ્યા, ન વધ્યા ગ્રાહકો
થોડા સમય પહેલા સોનાના ભાવ આભને આંબ્યા હતા. લગભગ 42 હજારને પાર પહોંચ્યા હતા. જેના કારણે મધ્યમવર્ગના લોકો નિરાશ થયા હશે. પરંતુ છેલ્લા 10 દિવસથી સોનાના ભાવમાં 9 ટકા જેટલો ઘટાડો થયો. તેમ છતાં તેને ખરીદી ઓછી જોવા મળી રહી છે. આની પાછળનું કારણ છે કોરોના. હા કોરોનાનો ખૌફ.
સોનાના ભાવમાં ચડતી
એક નજર સોનાના ભાવ પર પણ કરી લઈએ તો ગોલ્ડના ભાવ 6 માર્ચે 44 હજાર 274 પ્રતિ 10 ગ્રામ હતા. પરંતુ મંગળવારે આ ભાવ ઘટીને 40 હજાર 195 પ્રતિ 10 ગ્રામ થઈ ગયા હતા. દિલ્હીમાં મંગળવારે સોનાનો ભાવ 39 હજાર 719 હતો. ભાવમાં લગભગ 4 હજારની ઘટાડો થયો છતાં કોઈ ગ્રાહક તેને ખરીદવા માટે નથી આવી રહ્યા. સોની બજારના વેપારીઓના કહેવા મુજબ ગ્રાહકોની સંખ્યા 50થી 60 ટકા જેટલી ઘટી છે. તો સોનાની નાની નાની દુકાનો બંધ છે. જેના કારણે તેમની આવક જીરો થઈ ગઈ છે. અને આ જ કારણે તેઓ સસ્તામાં પણ સોનું નથી ખરીદી રહ્યા. નિષ્ણાંતોનું કહેવું છે કે જો કોઈને સોનામાં રોકાણ કરવું હોય તો આ ઉચિત સમય છે.
ઝવેરી બજાર બંધ થવાની અફવાને કારણે મુશ્કેલી વધી.
કોરોનાનો ભય સમગ્ર વિશ્વમાં છે. જેના કારણે સોનાના વૈશ્વિક વેપારને અસર પહોંચી રહી છે. ઝવેરી બજારના બુલિયન ડીલરો કહી રહ્યા છે કે વેપાર ઠપ્પ છે. થોડા ઘણા જ્વેલર્સ જ ખરીદી માટે આવી રહ્યા છે. ઝવેરી બજારનો વેપાર પોતાના સામાન્ય સ્તર પર પહોંચી ગયો છે. રસ્તા પર લોકોની ભીડ ઘટી છે. લોકો પોતાના ઘરોમાં જ પુરાઈ રહેવાનું પસંદ કરે છે. સોનાનો વેપાર ઓછો થવા પાછળ કેટલીક અફવાઓ પણ જવાબદાર છે. ઝવેરી બજાર બંધ થવાની અફવાને કારણે મુશ્કેલી વધી. તો રોકાણકારો પોતાની પાસે કેસ રાખવા માગે છે તેના કારણે પણ ખરીદી ઘટી છે.
સસ્તુ સોનુ મળી રહ્યું છે છતાં લોકો આવતા નથી
સોની બજાર સાથે સંકળાયેલા લોકોનું માનવું છે કે સસ્તુ સોનુ મળી રહ્યું છે છતાં લોકો આવતા નથી. પણ લગ્ન સમારંભમાં ફરી ખરીદી ઉઘડી શકે છે. ત્યારે લોકો થોડા ઘણા બહાર નીકળશે. પરંતુ અત્યારે તો સોની બજારમાં મંદીના વાદળો બંધાયેલા છે..હવો જોવું રહ્યું કે ક્યારે કોરોનાનું આ સંકટ ટળે છે અને ફરી સોનામાં ચમક આવે છે.