કોરોના સંકટ / અમેરિકામાં કોરોનાને લઈને બની એવી ઘટના કે આખા વિશ્વની વધશે ચિંતા

• કૈલિફોર્નિયામાં કોરોનાનું એક હાઈબ્રિડ વર્ઝન સામે આવ્યું
• હાઇબ્રિડ વૈરિયેન્ટનું અત્યાર સુધીમાં કોઈ નામ નથી આપવામાં આવ્યું
• વૈજ્ઞાનિકોને ડર છે કે હાઇબ્રિડ વૈરિયેન્ટના વધુ પણ કેટલાક કેસ હશે

વૈજ્ઞાનિકોને સ્ટડી દરમિયાન જાણ થઇ કે બ્રિટેનમાં મળેલા કોરોનાના વૈરિયેન્ટ B.1.1.7 અને અમેરિકામાં મળેલા કોરોનાના વૈરિયેન્ટ B.1.429, એકબીજામાં મળી ગયા છે અને તેનાથી કોરોનાનું હાઇબ્રિડ વર્જન તૈયાર થઇ ગયું છે.

બ્રિટેન અને અમેરિકાના વૈરિયેન્ટને એક સાથે મેળવીને તૈયાર કરાયેલા હાઇબ્રિડ વૈરિયેન્ટનું અત્યાર સુધીમાં કોઈ નામ નથી આપવામાં આવ્યું. અત્યાર સુધી માત્ર એક દર્દીમાં આ હાઇબ્રિડ વૈરિયેન્ટ મળી આવ્યો છે, પરંતુ વૈજ્ઞાનિકોને ડર છે કે હાઇબ્રિડ વૈરિયેન્ટના વધુ પણ કેટલાક કેસ હશે.

ડેલી મેલમાં છપાયેલા રિપોર્ટ અનુસાર, વૈજ્ઞાનિકોનું કહેવું છે કે, હવે માણસના શરીરનો એક જ સેલ, વાયરસના વે વૈરિયેન્ટથી સંક્રમિત થઇ જાય છે તો વાયરસના જીનમાં ફેરબદલ થઇ જાય છે. તેનાથી નવા વૈરિયેન્ટ તૈયાર થઇ જાય છે.

વૈજ્ઞાનિકોનું એમ પણ કહેવું છે કે જ્યારે એક જ સમયમાં કોઇ વ્યક્તિ, બે અલગ અલગ વૈરિયેન્ટથી સંક્રમિત થઇ જાય છે તો તેનાથી હાઈબ્રિડ વૈરિયેન્ટ તૈયાર થવાનો ખતરો રહે છે. જણાવી દઇએ કે, દુનિયાના કેટલાક દેશોમાં કોરોનાના અલગ અલગ વૈરિયેન્ટ સામે આવી ચૂક્યા છે. સાઉથ આફ્રિકામાં મળી આવેલા કોરોના વૈરિયેન્ટમાં ઘણો વધારે સંક્રામક હોવાની વાત કહેવામાં આવી છે.

રિસર્ચર્સે આ પહેલા પણ ચેતવણી આપી હતી કે કોરોનાના હાઇબ્રિડ વૈરિયેન્ટ તૈયાર થઇ શકે છે. ત્યારે, અમેરિકાના વૈજ્ઞાનિકોએ આ દર્દીને લઇને વધુ માહિતી જાહેર નથી કરી જે કોરોના હાઇબ્રિડ વૈરિયેન્ટથી સંક્રમિત મળી આવ્યો. એ પણ જાણી નથી શકાયું કે હાઇબ્રિડ વૈરિયેન્ટના કારણે દર્દી વધુ બીમાર થયો.