કોરોના સંકટ / કોરોનાના વધતા કેસને લઇને ગુજરાતમાં હવે આ જિલ્લો બની રહ્યો છે હોટસ્પોટ

• ભાવનગરમાં વકરતો કોરોના
• ભાવનગરમાં 5 દિવસમાં 250 કેસ નોંધાયા
• ભાવનગરમાં છેલ્લા કેટલાક દિવસથી સતત વધી રહ્યા છે કેસ

રાજ્યમાં ભાવનગર શહેરની વાત કરીએ તો શહેરમાં સતત કોરોના વાયરસ વકરતો જોવા મળી રહ્યો છે. છેલ્લા ઘણા દિવસોથી શહેરમાં કોરોનાના પોઝિટિવ કેસોની સંખ્યામાં સતત વધારો જોવા મળી રહ્યો છે. 

શહેરની વાત કરીએ તો છેલ્લા 5 દિવસમાં જ 250 કેસ નોંધાયા છે. આમ ભાવનગર જિલ્લા સહિત શહેરમાં છેલ્લા કેટલાક દિવસથી કોરોનાના કેસમાં સતત ચિંતાજનક વધારો જોવા મળી રહ્યો છે. 
 

હાલમાં ભાવનગર શહેરમાં બહારથી આવતા લોકોનું અધેલાઇ ચોકડી પાસે કોરોના ટેસ્ટ માટે ચેક પોસ્ટ ઉભી કરવામાં આવી છે. જેમાં બહારથી આવતા તમામ મુસાફરોનું ચેકિંગ કરવામાં આવી રહ્યું છે. હાલમાં અમદાવાદ, વડોદરા, સુરતથી આવતા તમામ મુસાફરોનું ચેકિંગ કરવામાં આવી રહ્યું છે. 
 

ઉલ્લેખનીય છે કે આ અગાઉ ભાવનગરમાં તંત્ર દ્વારા કોરોના મૃત્યુઆંક છૂપાવવાનો મામલો સામે આવ્યો હતો. જેમાં કોરોનાથી થયેલ સાચો મૃત્યુઆંક સરકારી તંત્ર દ્વારા છુપાવામાં આવી રહ્યાં હોવાના આક્ષેપ કરવામાં આવ્યાં હતા.