ભારતમાં કોરોના વાયરસનો કહેર યથાવત છે. આ મહામારીને જોતાં ઉત્તરપ્રદેશ અને દિલ્લીની સરકારે પોતપોતાના રાજ્યોમાં, અનેક હોટસ્પોટ વિસ્તારોને સીલ કરી દીધા છે. એક તરફ જ્યાં દિલ્લી સરકારે 20 હોટસ્પોટ સીલ કરી દીધા છે ત્યારે બીજી તરફ ઉત્તરપ્રદેશની યોગી સરકારે રાજ્યના 25 જિલ્લાઓના હોટસ્પોટ વિસ્તારોને સીલ કરવાનો નિર્ણય કર્યો છે. ત્યારે આપને સવાલ થતો હશે કે કોઈપણ હોટસ્પોટ વિસ્તાર સીલ થયા બાદ એ વિસ્તારમાં રહેતા લોકો પર કેવા કેવા પ્રકારની પાબંદી લદાઈ જતી હશે અને કેવા પ્રકારની છૂટ મળતી હશે?
આપને જણાવી દઈએ કે, દેશમાં કોઈપણ વિસ્તારને હોટસ્પોટ જાહેર કરવા માટે કેટલી બાબતો સામે આવવી જરૂરી છે અને તે પછી જ તે વિસ્તારને સીલ કરવામાં આવતો હોય છે. આપણે સૌથી પહેલા એ જાણવાનો પ્રયાસ કરીએ કે કોઈ વિસ્તારની હોટસ્પોટ તરીકેપસંદગી કઈ રીતે થાય છે?
હૉટસ્પૉટની પસંદગી કેવી રીતે?
આજે વિશ્વમાં કોરોના વાયરસનો કહેર જોવા મળી રહ્યો છે. ત્યારે દેશના જે વિસ્તારમાંથી વધારે પોઝિટિવ દર્દીઓ મળ્યા હોય તેને હોટસ્પોટ કહેવામાં આવે છે. જે વિસ્તારમાં અનેક પોઝિટિવ દર્દી મળ્યા હોય અને તે વિસ્તારમાં સંક્રમણ વધવાની સંભાવના વધુ હોય છે આવા વિસ્તારને હૉટસ્પૉટ કહેવામાં આવે છે. હૉટસ્પૉટ કોઈપણ સાઈઝનો એક વિસ્તાર હોઈ શકે છે. જેમાં મકાનથી લઈને સોસાયટી, કોલોની કે સમગ્ર સેન્ટર હોઈ શકે છે. કોઈ એક અપાર્ટમેન્ટને પણ હૉટસ્પૉટ માનવામાં આવી શકે છે.
દેશમાં એવા વિસ્તારોને હોટસ્પોટના તરીકે ઓળખ આપવામાં આવે છે કે, જ્યાં કોરોના વાયરસનાના સંક્રમણના કેસ સતત વધી રહ્યા હોય છે આ સાથે જ હોટસ્પોટ માટે એ પણ તપાસવામાં આવે છે કે, સ્થાનિક લોકો લોકડાઉનનું પાલન કરી રહ્યા છે કે સખતાઈ વધારવાની જરૂરરિયાત છે. આમ જ્યારે કોઈ સ્થળને હોટસ્પોટ જાહેર કર્યા બાદ અને તેને સીલ કર્યા બાદ તે વિસ્તારમાં રહેતા લોકો પર અમુક પ્રકારના નિયમો આપોઆપ લદાઈ જતા હોય છે.
હૉટસ્પૉટમાં શું થાય, શુ નહીં?
જે વિસ્તારમાં કોરોના સંક્રમણની સંખ્યામાં સતત વધારો જોવા મળતો હોય તે વિસ્તારને હોટસ્પોટ તરીકે જાહે કરાયાં બાદ ત્યાં કોઈપણ દુકાન ખૂલી ન શકે. આ વિસ્તારના એન્ટ્રી, એગ્ઝિટ પોઈન્ટ પર બેરિકેડ હોય છે.
લોકોને એક સોસાયટીમાંથી બીજી સોસાયટીમાં જવાની મંજૂરી હોતી નથી. ત્યારે હૉટસ્પૉટ માટે વિશેષ પાસ ધારકોને જ આ વિસ્તારમાં જવાની મંજૂરી મળતી હોય છે. જ્યારે હોટસ્પોટ જાહેર કરેલા વિસ્તારમાં એમ્બ્યુલન્સ, ફાયર બ્રિગેડને પણ એન્ટ્રીની મંજૂરી લેવી પડતી હોય છે. આ સાથે હૉટસ્પૉટ વિસ્તારમાં મીડિયાના પ્રવેશ પર પણ પ્રતિબંધ લાદવામાં આવે છે.
આ વિસ્તારમાં સપ્લાયની વ્યવસ્થા માત્ર હોમ ડિલિવરીના માધ્યમથી થાય છે. જીવન જરૂરિયાતની વસ્તુ જેમ કે ફળ, શાકભાજી, દવા, રાશન હોમ ડિલિવરીથી મળતાં હોય છે. જ્યારે હોટસ્પોટ વિસ્તારમાં તંત્ર દ્વારા ઘરે ઘરે જઈને કોરોના સંક્રમણ અંગે તપાસ કરવામાં આવે છે