જોન હોપકિન્સ યૂનિવર્સિટી કોરોના વાયરસ રિસોર્સ કેન્દ્રએ જણાવ્યું છે કે અમેરિકામાં બુધવારે મૃતાંક 4 હજારને પાર થઈ ગયો છે. જે ચીન, ઈટલી અને સ્પેન કરતા વધારે છે. દરેક અઢીથી 6 મિનિટમાં એક મોત થવાના કારણે ન્યૂયોર્કના હોસ્પિટલના મર્દા ઘર લાશોથી ભરાઈ ગયા છે.
મર્દા ઘર લાશોથી ઉભરાઈ રહ્યા છે
લાશોના ઢગનો કેવી રીતે નિકાલ કરવો તે મોટી સમસ્યા
અમેરિકાની પરિસ્થિતિ સતત ખરાબ થઈ રહી છે.
આ દરમિયાન રાષ્ટ્રપતિ ટ્રમ્પે દરેક અમેરિકનોને કપરા સમય માટે તૈયાર રહેવા કહેતા ચેતવ્યા છે. આવનારા 2 અઠવાડિયા બહું ખરાબ હશે. જોન હોપિકિન્સ કેન્દ્રના જણાવ્યાનુંસાર કોવિડ-19ના કારણે અમેરિકામાં લગભગ 1.90 લાખ લોકો સંક્રમિત મળ્યા છે. છેલ્લા 24 કલાકમાં 884 લોકોના જીવ ગયા છે.
સમગ્ર દેશમાં મૃતકોની વધતી સંખ્યાને જોતા મૃતદેહોના અંતિમ સંસ્કારમાં મુશ્કેલી થઈ રહી છે. ન્યૂયોર્કમાં પરિસ્થિતિ વધારે ખરાબ થઈ રહી છે. ગત 30 વર્ષથી મૃતકોની દફનવિધિ કરવામાં જોડાયેલા ઈન્ટરનેશનલ ફ્યૂનરલ કંપનીના સીઈઓ મર્મોએ કહ્યું કે લાશોને સંભાળવી મુશ્કેલ બની રહી છે.
તેમણે જણાવ્યું હતું કે હોસ્પિટલોના મર્દાઘર લગભગ ભરાઈ ગયા છે. જ્યારે આ બોર્ડીને દફનાવવી પર ખતરાનાક સાબિત થઈ રહી છે. હું નથી જાણતો કે કેટલી લાશો લઈ શકાય છે. રાષ્ટ્રપતિ ટ્રમ્પે મહામારીને પ્લેગ ગણાવ્યો છે. ઉલ્લેખનીય છે કે કોરોનાને લીધે ઈટલીમાં મૃતકોના અંતિમ સંસ્કાર માટે કોઈ નહોતું અને લાશો ચર્ચની બહાર બિનવારસી પડી રહી હતી. અંતે આર્મીની મદદથી તેમના અંતિમ સંસ્કારની વિધી કરવામાં આવી હતી.
વિશ્વમાં અત્યાર સુધીમાં 935,571 લોકો કોરોના ગ્રસ્ત છે. જ્યારે 47,205 લોકોના મોત નિપજ્યા છે. તેમજ 194, 260 લોકો સાજા થઈ ગયા છે. ત્યારે અમેરિકામાં હાલ 215,071 લોકો કોરોનાગ્રસ્ત છે. 5,109 લોકોના મોત નિપજ્યા છે. તેમજ માત્ર 8,878 લોકો જ સાજા થયા છે. ત્યારે અહીં 201,084 એક્ટિવ કેસ છે. અમેરિકામાં સૌથી ખરાબ હાલત ન્યૂયોર્કની છે. અહીં 1100થી વધારે લોકોના મોત નિપજ્યા છે. જ્યારે અહીં 43 હજાર જેટલા લોકો કોરોના ગ્રસ્ત છે.