Coronavirus / સાઉદીના શાહી પરિવારના આટલા સભ્યોને કોરોનાની આશંકા, ક્રાઉન પ્રિન્સ મોહમ્મદ બિન સલમાન આઇસોલેશનમાં

• કોરોના વાયરસના સંક્રમણથી સાઉદી અરબનો શાહી પરિવાર પણ બચી ના શક્યો
• સાઉદીના શાહી પરિવારના 150 મેમ્બર કોરોના વાયરસના સંક્રમણની ઝપેટમાં

ન્યૂયોર્ક ટાઇમ્સની રિપોર્ટ અનુસાર ગત એક સપ્તાહની અંદર શાહી પરિવારના 150 સભ્યોને કોરોનાથી સંક્રમણ થવાની આશંકા છે. જ્યારે સાઉદીના પ્રિન્સ ફૈસલ બિન અબ્દુલ અઝીઝ અલ સઉદ આઇસીયૂમાં દાખલ છે. 70 વર્ષના પ્રિન્સ ફૈસલ રિયાદના ગવર્નર છે. એવુ કહેવામાં આવે છે કે શાહી પરિવારના સભ્યો મોટાભાગે યૂરોપમાં યાત્રા કરતા રહેતા હોય છે. આ યાત્રા દરમિયાન જ આ લોકો સંક્રમણનો ભોગ બની શકે છે. 

કિંગ ફૈસલ સ્પેશિયાલીસ્ટ હોસ્પિટલના ડૉક્ટર શાહી પરિવારની સારવારમાં લાગી ગયા છે. આ ઉપરાંત હોસ્પિટલમાં વધુ 500 એક્સ્ટ્રા બેડ તૈયાર કરવામાં આવી રહ્યા છે. કેમકે અહીં કોરોના વાયરસનો ખતરો વધી ગયો છે. હોસ્પિટલ મુજબ આખા દેશથી આવનારા વીઆઇપી દર્દીઓ માટે વ્યવસ્થા તૈયાર કરાઇ રહી છે. 

ડૉક્ટરોનું કહેવું છે કે તેઓને એ વાતની જાણકારી નથી કે કેટલા લોકોને જોવુ પડી શકે છે પરંતુ અમારે પૂર્ણ રીતે તૈયાર રહેવું પડશે. ડૉક્ટરોનું કહેવું છે કે સ્ટાફના સંક્રમણ થવા પર તેઓને ઓછા દરજ્જા વાળી હોસ્પિટલમાં શિફ્ટ કરવામાં આવશે જેથી શાહી પરિવારની સારવારમાં કોઇ મુશ્કેલી ન આવે અને હોસ્પિટલમાં રુમની અછત ન પડે.