કોવિડ વેક્સિનનો બીજો ડોઝ અને બૂસ્ટર ડોઝ વચ્ચેનું 9 મહિનાનું અંતર રાખવાની મર્યાદા નક્કી કરી છે. જો કે, હેલ્થ નિષ્ણાંતોનું કહેવુ છે કે, પ્રિકોશનરી ડોઝ માટે આ અંતર 6 મહિનાનું હોવું જોઈએ.
વેક્સિનનો બૂસ્ટર ડોઝ માટે સરકારે આપી છે મંજૂરી
હેલ્થ નિષ્ણાંતોને આપી આ સલાહ
બૂસ્ટર ડોઝ વચ્ચેના ગેપને ઓછો કરવાની ભલામણ
કોરોના વાયરસ સંક્રમણના વધતા કેસોની વચ્ચે કેન્દ્ર સરકારે લોકોને બૂસ્ટર ડોઝ લેવાની મંજૂરી આપી દીધી છે. પણ તેના માટે કોવિડ વેક્સિનનો બીજો ડોઝ અને બૂસ્ટર ડોઝ વચ્ચેનું 9 મહિનાનું અંતર રાખવાની મર્યાદા નક્કી કરી છે. જો કે, હેલ્થ નિષ્ણાંતોનું કહેવુ છે કે, પ્રિકોશનરી ડોઝ માટે આ અંતર 6 મહિનાનું હોવું જોઈએ. તેનાથી સંક્રમણ વિરુદ્ધ સારામાં સારી ઈમ્યુનિટી મળશે.
Government of India has not reduced the time gap for 'precaution dose' of COVID19 vaccine from nine months to six months: Official sources
નેશનલ ટાસ્ક ફોર્સ ઓન કોરોના વાયરસ અને ઈંડિયન મેડિકલ એસોસિએશનના ઉપાદ્યક્ષ ડો. રાજીવ જયાદેવને જણાવ્યું હતું કે, વેક્સિનના બીજા ડોઝ અને બૂસ્ટર ડોઝ વચ્ચે લાંબા ગાળો રાખવાથી સંક્રમણ અને બિમારી સામે ગંભીરતાથી લડવામાં કમી આવે છે .
બૂસ્ટર ડોઝ માટે કહી આ વાત
ડો, રાજીવ જયાદેવને પોતાની સ્ટડીનો હવાલો આપતા કહ્યું છે કે, જો કોઈ વ્યક્તિ કોરોના વેક્સિનનો સેકન્ડ ડોઝ લેવાના 6 મહિના બાદ બૂસ્ટર ડોઝ લે છે, તો વાયરસના સંક્રમણ અને તેની ગંભીરતા સાથે જોડાયેલા કેસમાં ઘટાડો થશે, તો વળી વેક્સિનના વધારાવા કોવિડ 19ના અન્ય સુરક્ષા ઉપાયો પર ભાર આપતા કહ્યું કે, તેનાથી મહામારીથી બચવા માટે કેટલાય પ્રકારની સુરક્ષા વિકલ્પો રહેલા છે. તેમાંથી વેક્સિનેશન, માસ્કનો ઉપયોગ અને કોવિડ અનુરૂપ વ્યવહાર સામેલ છે. એટલા માટે કોરોના વાયરસના સંક્રમણથી બચવા માટે આપણે આ ઉપાયો અપનાવવા જોઈએ.
માસ્ક અને અન્ય નિયમોનું પાલન કરો
ડો. રાજીવ જયાદેવનના જણાવ્યા અનુસાર, જે લોકો વેક્સિનની સાથે સાથે માસ્ક અને સોશિયલ ડિસ્ટેંસિંગ જેવા નિયમોનું પાલન કરે છે, તે લોકોને સંક્રમણ થવાનું નહીંવત શક્યતા છે. તો વળી દેશમાં કોરોનાના વધતાં કેસોને જોતા તેમણે કહ્યું કે, મને લાગે છે કે, કોવિડ 19 સંક્રમણના કેસો વધી રહ્યા છે કારણ કે લોકોને લાગી રહ્યું છે કે, મહામારી ખતમ થઈ ચુકી છે, દુર્ભાગ્યવશ આ ખોટુ છે, વાયરસ હાલમાં પણ આપણી વચ્ચે છે.
અગાઉ પણ આવી ભલામણ થઈ હતી
આ અગાઉ બેંગલુરૂ સ્થિત ટાટા ઈંસ્ટીટ્યૂટ ઓફ જેનેટિક્સ એન્ડ સોસાયટીના ડાયરેક્ટર ડો. રાકેશ મિશ્રાએ પણ કહ્યું હતું કે, વેક્સિનનો બીજો ડોઝ અને બૂસ્ટર ડોઝ વચ્ચેનો ગેપ 9 મહિનાથી ઘટાડીને 5-6 મહિના કરી દેવા જોઈએ, કારણ કે, આ એક સારો નિર્ણય હશે. મારુ માનવું છે કે, બૂસ્ટર ડોઝ 9 મહિના પહેલા મળી જવો જોઈએ.