કોરોનાના વાયરસથી લડવા ચીન પાકિસ્તાનની મદદે આવ્યું છે. ચીને પાકિસ્તાનમાં 8 મેડિકલ એક્સપર્ટની ટીમ મોકલી આપી છે. આ ઉપરાંત જરૂરી સામગ્રી સાથે 12 હજાર ટેસ્ટિંગ કીટ પણ પણ પાકિસ્તાનને મોકલ્યું છે. ચીનની ટીમ પાકિસ્તાનમાં બે સપ્તાહ રોકાશે. આ ઉપરાંત 3 લાખ માસ્ક, 10 હજાર પ્રોટેક્ટિવ સ્યૂટ અને આઇસોલેશન હોસ્પિટલ બનાવવા માટે જરૂરી સહાય કરી છે.
કોરોનાના સંકટમાં 'સદાબહાર મિત્ર' ચીન પાકિસ્તાનની મદદ માટે આગળ આવ્યું છે. ચીને કોરોના પીડિતોની સારવાર માટે જરૂરી 2 ટન તબીબી ઉપકરણો પાકિસ્તાન મોકલ્યા છે. તેણે એન 95 માસ્ક, વેન્ટિલેટર, પરીક્ષણ કિટ્સ, તબીબી રક્ષણાત્મક વસ્ત્રો મોકલ્યા છે. ચીને આ રાહત સામગ્રી એવા સમયે મોકલી છે જ્યારે 1363 લોકો સંક્રમિત થયા છે અને 11 લોકોના મોત થયા છે.
ચીને પાકિસ્તાનને કરી આટલી મદદ
ચીને પોતાના 8 એક્સપર્ટ ડોક્ટર્સની ટીમ 2 અઠવાડિયા માટે આપી છે. આ સિવાય 3 લાખ માસ્ક, 10 હજાર પ્રોટેક્ટિવ સ્યૂટ અને આઇસોલેશન હોસ્પિટલ બનાવવા માટે જરૂરી સહાય, ટેસ્ટ કિટ, વેન્ટિલેટર મળીને લગભગ 6 કરોડ 70 લાખ રૂપિયાની મદદ કરી છે.
પાકિસ્તાનને આ સપ્તાહે 20 વેન્ટિલેટર અને 20 ટન તબીબી સહાય પૂરી પાડવામાં આવશે. આ ઉપરાંત, આવતા સપ્તાહ સુધીમાં, ચીન પાકિસ્તાનને 100 ટન તાત્કાલિક તબીબી સાધનો પ્રદાન કરશે. લાહોરમાં યુનિવર્સિટી કેમ્પસમાં 1000 બેડની હોસ્પિટલ બનાવવામાં પાકિસ્તાનને ચીન મદદ કરી રહ્યું છે. કોરોના પરીક્ષણ કીટ અને અન્ય સાધનો અહીં બનાવવામાં આવશે.