કોરોના વાયરસને લઇને છેડાયેલુ વાકયુદ્ધની વચ્ચે ચીને અમેરિકા પર પલટવાર કર્યો છે. ચીને પૂછ્યું છે કે જ્યારે HIV અને H1N1 વાયરસનું કેન્દ્ર અમેરિકા રહેવા છતા તેના પર કોઇ દંડ નથી લગાવામાં આવ્યો તો પછી કોરોના સંકટમાં અમારી વિરુદ્ધ કાર્યવાહીની માગ કેમ થઇ રહી છે?
અમેરિકાના રાષ્ટ્રપતિ ડોનાલ્ડ ટ્રમ્પે ચીનને ચેતવણી આપી છે કે જો એ જાણવા મળ્યું કે ચીન કોરોના વાયરસ વૈશ્વિક મહામારી ફેલાવવા માટે જવાબદાર છે અને તેને આ વિશે જાણકારી હતી તો તેણે પરિણામ ભોગવવું પડશે.
H1N1, HIV પર US પાસેથી કેમ નહીં માંગવામાં આવ્યું વળતર
ચીનના વિદેશ મંત્રાલયે તેના પર જવાબ આપ્યો છે. મંત્રાલયના પ્રવક્તા ગેંગ શુઆંગે કહ્યું, 2009માં H1N1 ફ્લૂની શરૂઆત થઇ અને તે દુનિયાભરના 214 દેશોમાં ફેલાઇ ગયો, તેના કારણે દુનિયાભરમાં 2 લાખથી વધારે લોકોના મોત થયા. શું કોઇએ અમેરિકા પાસેથી વળતરની માંગ કરી? આટલું જ નહીં 80ના દાયકામાં ફેલાયેલા HIVને લઇને પણ ચીને અમેરિકા પર નિશાન સાધ્યું અને કહ્યું કે એડ્સની શોધ સૌથી પહેલા 1980ના દાયકામાં અમેરિકામાં થઇ હતી અને આખી દુનિયામાં ફેલાઇ. જેનાથી આખી દુનિયામાં ચિંતા વધી ગઇ. શું કોઇએ અમેરિકાને જવાબદાર ઠેરવ્યું?
ડિસેમ્બરમાં કોરોના વાયરસનો કેસ સામે આવ્યા બાદ જ ટ્રમ્પે તેને ચીની વાયરસ બોલાવાનું શરૂ કર્યું હતું અને આરોપ લગાવ્યો હતો કે તેણે વાયરસને લઇને દુનિયાથી સત્ય છુપાવ્યું. ખાસ કરીને જ્યારે કોરોનાને કારણે અમેરિકામાં ભયાવહ સ્થિથિ પેદા થઇ તો વિદેશ મંત્રી માઇક પોમ્પિયોએ ચીનને જવાબદાર ગણાવવાની માંગ કરી.
#FMsays "The H1N1 flu that broke out in the US in 2009 spread to 214 countries and regions, killing nearly 200,000 people, has anyone demanded the US for compensation?" Foreign Ministry spokesman Geng Shuang asked on Monday. (1/3) pic.twitter.com/JDpxxGE1OW
ચીની વિદેશ મંત્રાલયે આટલે જ ન રોકાતા 2008ની વૈશ્વિક મંદી માટે અમેરિકાને જવાબદાર ગણાવી તેના પર ગંભીર સવાલ ઉઠાવ્યા. વિદેશ મંત્રાલયના પ્રવક્તાએ નેશનલ યૂનિવર્સિટી ઓફ સિંગાપુરના પ્રોફેસર કિશોર મહબૂબાનીની એક સ્પીચનો હવાલો આપતા કહ્યું કે અમેરિકામાં લીમેન બ્રધર્સના તુટી પડવા સાથે 2008માં વૈશ્વિક આર્થિક સંકટ પેદા થયું. પરંતુ કોઇએ અમેરિકાને ન કહ્યું કે આપે તેના ગંભીર પરિણામ ભોગવવા પડશે.
WHOને પણ ધમકી આપી ચૂક્યું છે અમેરિકા
ટ્રમ્પે શનિવારે આરોપ લગાવ્યો કે ચીને અમેરિકા સાથે ગેર પારદર્શી વ્યવહાર કર્યો અને શરૂઆતમાં તેની સાથે સહયોગ ન કર્યો. ટ્રમ્પે કહ્યું કે જો તેઓ જાણી જોઇને તેને ફેલાવવા માટે જવાબદાર જાણવા મળ્યા તો તેના પરિણામ ભોગવવા પડશે. આપ જાણો છો કે કદાચ 1917 બાદ કોઇએ આટલા મોટા પ્રમાણમાં લોકોને મરતા નહીં જોયા. ટ્ર્મ્પે આ પહેલા ડબલ્યૂએચઓ પર બિન જવાબદાર વલણ અપનાવાનો આરોપ લગાવ્યો હતો. આ ઉપરાંત દર વર્ષે અપાતા 40 કરોડના ફન્ડને રોકી દીધું.