કોરોના વાયરસના હાહાકાર વચ્ચે છેલ્લા ચાર દિવસથી 23 ગુજરાતી વિદ્યાર્થીઓ પોલેન્ડ એરપોર્ટ ઉપર ફસાયાં છે. ભારત સરકાર દ્વારા આ વિદ્યાર્થીઓને ઈન્ડિયા આવવા દેવાની મંજૂરી ન મળતી હોવાની વાત તેઓ વીડિયોમાં જણાવી રહ્યા છે અને લોકોની મદદ માંગી રહ્યા છે કે, તેમને પ્લીઝ મદદ કરે. તેમણે VTVને વીડિયો મોકલીને ખાસ મદદ માંગી હતી. પોલેન્ડ સ્થિત ભારતીય એમ્બસી અને ભારતીય વિદેશ મંત્રાલય વચ્ચેની ગેરસમજણથી વિદ્યાર્થીઓ ફસાયાં છે.
પોલેન્ડમાં ફસાયેલાં ગુજરાતી વિદ્યાર્થીઓએ VTVનો સંપર્ક કર્યો
પોલેન્ડ એરલાઈન્સ લાવવા તૈયાર પણ ભારત સરકાર ના પાડે છે
પોલેન્ડ એરપોર્ટ પર વિદ્યાર્થીઓ ફસાયાંં
પોલેન્ડ એમ્બસી અને વિદેશમંત્રાલય વચ્ચે ગેરસમજણથી ગુજરાતીઓ પોલેન્ડમાં ફસાયાં
જામનગરના યુવાન કેવલ વસરાએ VTV સાથે વાત કરતાં જણાવ્યું કે, અમે ઓપેલ યુનિવર્સિટીમાં અભ્યાસ કરીએ છીએ. પોલેન્ડ સરકારની ગાઈડલાઈન બાદ યુનિવર્સિટીએ લોકડાઉન કર્યું છે અને અમે ભારત આવવા નીકળ્યા. LOT અર્થાત્ પોલેન્ડ એર લાઈન્સની ટિકિટો લીધી પણ એરલાઈન્સ લઈ જવા તૈયાર નથી તેઓ બહાનું બતાવે છે કે ભારત સરકારે ના પાડી છે.
વોર્સો એરપોર્ટ પર ત્રણ દિવસથી ભુખ્યા બેઠા છીએ
અમે ત્રણ દિવસથી ઓપેલ છોડી વોર્સો (પોલેન્ડના કેપિટલ)માં આવી ગયા છે. અહીં વોર્સો એરપોર્ટ પર ત્રણ દિવસથી ભુખ્યા બેઠા છીએ. એરલાઈન્સ લઈ જવા તૈયાર નથી. રૂપિયા 17હજારમાં મળતી ટિકિટ અત્યારે 80 હજારમાં મળી રહી છે. અમે 23 ગુજરાતી વિદ્યાર્થીઓ અહીં ફસાયા છીએ. એમ્બેસી અને ભારત વિદેશ મંત્રાલય સંપર્કમાં છે પણ કોઈ સોલ્યુશન આવી રહ્યું નથી. અમે PM, વિદેશમંત્રી બધાને ટેગ કરી મદદ માંગી છે પરંતુ હજુ સુધી કોઈ પણ મદદે આવ્યું નથી.
અમારી વાત સરકાર સુધી પહોંચાડે
અમે 23 ગુજરાતી વિદ્યાર્થીઓ ફસાયાં છીએ જેમાં અમદાવાદ, સુરત, રાજકોટ, ભરૂચ, બરોડાના વિદ્યાર્થીઓ છે. અમે 2 વર્ષ પહેલાં એન્જિનિયરીંગ કરવા અહીંયા આવ્યા હતા. ભારતીય એમ્બસીને કેટલી બધી વખત વિનંતી કરી કે અમારે ભારત જવું છે પરંતુ હજુ સુધી કોઈ જવાબ નથી મળી રહ્યો. અમારી VTVને વિનંતી છે કે અમારી વાત સરકાર સુધી પહોંચાડે જેથી ઝડપથી ભારત આવી શકીએ.