કોરોના સંકટ / રાજકોટમાં કોરોના બેકાબુ, એક દિવસનો આંકડો જાણી ચોંકી જશો તમે

• રાજકોટમાં કોરોના કેસમાં થઇ રહ્યો છે સતત વધારો
• છેલ્લા 24 કલાકમાં રાજકોટમાં 70 પોઝિટિવ કેસ નોંધાયા
• અત્યાર સુધી 1378 કોરોના પોઝિટિવ કેસ નોંધાયાં

ગુજરાતમાં કોરોના પોઝિટિવ કેસોની સંખ્યામાં સતત વધારો  થઇ રહ્યો છે. ત્યારે રાજકોટની વાત કરીએ તો છેલ્લા 24 કલાકમાં 70 પોઝિટિવ કેસ નોંધાતા તંત્ર હરકતમાં આવી ગયું છે. 

રાજકોટ જિલ્લામાં 24 કલાકમાં આવેલા 70 પોઝિટિવ કેસ સાથે અત્યાર સુધીમાં 1378 કુલ કેસ નોંધાયા છે. હાલમાં 710 દર્દીઓ સારવાર હેઠળ છે. જ્યારે રાજકોટમાં કોરોનાના કારણે અત્યાર સુધીમાં 24 લોકોનાં મૃત્યું થયા છે. 

ગઇકાલે ગુજરાતમાં એક જ દિવસમાં 1009 કોરોના પોઝિટિવ કેસ નોંધાયા હતા. જ્યારે રાજ્યમાં 974 દર્દીઓ સાજા થઇ ઘરે ગયા હતા. રાજ્યમાં 83 દર્દીઓ વેન્ટિલટર પર છે, જ્યારે રાજ્યમાં કોરોનાથી એક જ દિવસમાં 22 દર્દીઓનાં મૃત્યું થયા છે. રાજ્યમાં કુલ કોરોના પોઝિટિવ કેસની સંખ્યા 64,684 છે, જ્યારે કુલ 14,614 કોરોના એક્ટિવ કેસ નોંધાયા છે. કોરોનાથી કુલ 2,509 દર્દીઓના મૃત્યું થયા છે, જ્યારે કુલ 47,561 દર્દીઓ સાજા થયા છે.