Coronavirus / રાજ્યના આ જિલ્લામાંથી કોરોનાનો પહેલો પોઝિટિવ કેસ આવ્યો સામે, તંત્રમાં દોડધામ

• પાટણમાં કોરોનાનો પહેલો કેસ આવ્યો સામે
• ભીલવણ ગામનાં યુવકનો રિપોર્ટ આવ્યો પોઝિટિવ
• યુવકને ધારપુર હોસ્પિટલમા આઇસોલેશન વોર્ડમાં ખસેડાયો 

રાજયના કોરોના દર્દીઓના પોઝિટિવ કેસોની સંખ્યા વધી રહી છે ત્યારે હવે એવા જિલ્લાઓમાંથી પોઝિટિવ કેસોના સમાચાર આવી રહ્યાં છે જ્યાંથી અત્યાર સુધીમાં કોઇ રિપોર્ટ પોઝિટિવ આવ્યો નહોતો. 

 

આમ રાજ્યના પાટણ જિલ્લામાંથી કોરોનાનો પહેલો કેસ સામે આવ્યો છે. પાટણના ભીલવણ ગામના યુવકનો રિપોર્ટ પોઝિટિવ આવ્યો છે. જે યુવકનો રિપોર્ટ પોઝિટિવ આવ્યો છે તેને ધારપુર હોસ્પિટલના આઇસોલેશન વોર્ડમાં ખસેડવામાં આવ્યો છે. 

 

પ્રાપ્ત મળતી વિગત અનુસાર પાટણ જિલ્લાનો ભીલવણ ગામનો આ યુવક 15 માર્ચના રોજ મુંબઇથી પરત આવ્યો હતો. જો કે અત્યાર સુધી જિલ્લામાંથી કોઇ રિપોર્ટ પોઝિટવ ન આવતાં રાહતનો શ્વાસ લઇ રહેલા તંત્રમાં દોડધામ મચી ગયેલી જોવા મળી.