મહામારી / આ ભીડ મારી નાંખશે, તહેવારોમાં આ દ્રશ્યોએ ગુજરાતની ચિંતા વધારી દીધી

• આસ્થાના નામે ડિસ્ટન્સનો ભંગ
• કોવિડના નિયમો હવામાં ઓગળ્યા
• ભીડ છે કે કોવિડબોમ્બની જામગીરી

ઉલ્લેખનીય છે કે, પરિણામે બજારો અને પર્યટનસ્થળો પર ભારે ભીડ જોવા મળી રહી છે. ભીડ જોઈને આશંકા એ ઉભી થઈ રહી છે કે કયાંક ફરીવાર કોરોનાનો કહેર લોકોને બાનમાં ન લે.

નોંધનીય છે કે, દ્વારકામાં નવા વર્ષના પ્રારંભે દ્વારકામાં યાત્રિકોનો અભૂતપૂર્વ ઘસારો જોવા મળી રહ્યો છે. દ્વારકામાં હાલમાં 8 માસ બાદ બજારોમાં પણ ચમક જોવા મળી હતી. કોરોનાને લઈ લોકડાઉન બાદ છૂટછાટ મળ્યા બાદ પ્રથમ વખત આટલી ભીડ દ્વારકામાં જોવા મળી હતી. નવા વર્ષની શરૂઆત ભક્તો દ્વારકાધીશના દર્શન કરીને કરી રહ્યા છે. 

બજારોમાં જામી યાત્રિકોની ભીડ 

દ્વારકાની બજારોમાં લાંબા સમય બાદ યાત્રિકોની ભીડના કારણે ચમક જોવા મળી હતી. યાત્રિકો પર નિર્ભર રહેતા દ્વારકા નગરીમાં યાત્રિકોની ભીડ ઊમટતા લાંબા સમય બાદ દ્વારકામાં ધંધા વેપારમાં ચમક જોવા મળી હતી. બહારથી આવતા યાત્રિકો હવે માસ્ક, સેનેટાઈઝ અને સામાજિક અંતરને જરૂરી ગણાવી રહ્યા છે. 

પ્રથમ વખત આટલી ભીડ દ્વારકામાં જોવા મળી 

કોરોનાને લઈ જાગૃતિ પણ યાત્રિકોમાં જોવા મળી રહી છે. મંદિરના પ્રવેશ દ્વાર તંત્ર દ્વારા ખોલવામાં આવ્યા બાદ પ્રથમ વખત આટલી ભીડ દ્વારકામાં જોવા મળી રહી છે. યાત્રિકોની સંખ્યામાં વધારો થતાં નાના વેપારીઓથી માંડી હોટેલ રેસ્ટોરન્ટ માં તેજીનો માહોલ જોવા મળી રહ્યો છે.

ચોટીલામાં ભક્તોની ભીડ

તો આ તરફ સુરેન્દ્રનગર જિલ્લાના ચોટીલા મંદિરે મોટી સંખ્યામાં તહેવારોની રજાને લઇને ભક્તો ઉમટી પડ્યા હતા. નોંધનીય છે કે, ઘણા લાંબા સમયથી લોકડાઉનને કારણે ઘરમાં પુરાયેલા લોકો કોરોના મહામારી વચ્ચે માતાજીના દર્શને ઉમટી પડ્યા હતા. આ ભીડમાં કોરોનાના નિયમોના ધજાગરા ઉડતા જોવા મળ્યા હતા.