બનાસકાંઠા / થરાદ તાલુકાના નારોલી ગામમાં પોઝિટિવ કેસ નોંધાતા બફર ઝોન જાહેર કરાયો, આસપાસના ગામો કરાયાં સીલ

• થરાદ તાલુકાના નારોલી ગામમાં કોરોનાનો સંક્રમણ વધ્યો
• પોઝિટિવ કેસ નોંધાતા વિસ્તારને કરાયો જાહેર કરાયો બફર ઝોન
• નારોલી ગામની બાજુના  રડકા,બેટલીયા,કરબૂણ, આજાવાડા ગામોને કરાયા સીલ

ગુજરાતમાં કોરોના વાયરસના વધતા સંક્રમણને લઇને વિસ્તારોનો અલગ-અલગ ઝોનમાં  સમાવેશ કરવામાં આવે છે. રાજ્યના બનાસકાંઠા જિલ્લાના થરાદ તાલુકના નારોલી ગામમાં કોરોનાનો સંક્રમણ વધતો જોવા મળી રહ્યો છે. નારોલી ગામમાં પોઝિટિવ કેસ નોંધતા વિસ્તારને બફર ઝોન જાહેર કરવામાં આવ્યો છે. 

નારોલી ગામની બાજુના રડકા,બેટાલિયા, કરબૂણ, આજાવાડા ગામોને સીલ કરવામાં આવ્યાં છે. જો કે લોકડાઉન સાથે બફર ઝોન જાહેર કરવામાં આવતા લોકોને આવશ્યક ચીજ વસ્તુઓ ઘર સુધી પહોંચાડવાની તંત્રએ કામગીરી હાધ થરી છે. 

નારોલી ગામના જે વિસ્તારને બફર ઝોન જાહેર કરવામાં આવ્યો છે તે વિસ્તારમાં લોકોની અવર-જવર પર પ્રતિબંધ મુકવામાં આવ્યો છે. આ સાથે દરેક ગામોમાં જરૂરી સામાન લઇ જવા માટે એક માર્ગ ખુલ્લો રાખવામાં આવશે. આ સાથે મેડિકલ ઇમરજન્સી સિવાય તમામ લોકોને ઘરમાં રહેવા અપીલ કરવામાં આવી છે.