નિર્દેશ / કોરોનાથી બચવા શરીર પર દવાનો છંટકાવ કરવો સુરક્ષિત ? સ્વાસ્થ્ય મંત્રાલયે જાહેર કરી એડવાઈઝરી

• વિવિધ જગ્યાએ વ્યક્તિઓના શરીર પર દવા છાંટવાના બનાવ 
• મંત્રાલયે કહ્યું આ પ્રક્રિયામાં ખૂબ કાળજી રાખવાની જરૂર 
• રાસાયણિક છંટકાવ  શારીરિક તથા માનસિક રૂપથી નુકસાન પહોંચાડે છે 

દવાના છંટકાવથી કોઈ ફાયદો નથી 

એડવાઈઝરીમાં કહેવામાં આવ્યું કે જો કોઈ વ્યક્તિના શરીરમાં કોરોના વાયરસ આવી ગયો છે તો દવાઓ છાંટી દેવાથી કોરોના વાયરસ જતો રહેવાનો નથી. મંત્રાલયે કહ્યું કે આનું કોઈ જ વૈજ્ઞાનિક પ્રમાણ ઉપલબ્ધ નથી કે જેનાથી પુષ્ટિ થાય કે આમ કરવાથી શરીરનો બહાર ભાગ સંક્રમણથી મુક્ત થઇ જાય છે. 

કેમ જાહેર કરવી પડી એડવાઈઝરી 

મંત્રાલયે કહ્યું કે કોરોના સંક્રમણથી બચવા માટે સોડિયમ હાઈપોકલોરાઈટ જેવી દવાઓનો છંટકાવને લઈને ઘણા બધા સવાલ અવ્યા હતા તથા વિવિધ જિલ્લાઓમાં આ દવાઓના છંટકાવનો ઉપયોગ કરવામાં આવી રહ્યો છે. તથા મીડિયામાં પણ આ વિષયને ખૂબ મહત્વ આપવામાં આવી રહ્યું છે. 

શારીરિક અને માનસિક નુકસાન 

મંત્રાલયે કહ્યું આ પ્રક્રિયામાં ખૂબ કાળજી રાખવાની જરૂર છે. કોઈ પણ વ્યક્તિ અને સમૂહ પર કોઈ પણ સંજોગોમાં દવાનો છંટકાવ કરવાની સલાહ આપવામાં આવતી નથી. કોઈ પણ વ્યક્તિ કે સમૂહ પર રાસાયણિક છંટકાવ શારીરિક તથા માનસિક રૂપથી નુકસાન પહોંચાડે છે.