ગુજરાતમાં કોરોના મહામારીનો કહેર યથાવત્ જોવા મળી રહ્યો છે. ત્યારે રાજ્યના બનાસકાંઠાના વાવના ધારાસભ્ય ગેનીબેન ઠાકોરનો કોરોનાનો રિપોર્ટ કઢાવવા માટે સમ્પલ લેવામાં આવ્યાં છે. આ સાથે ગેનીબેનના સેમ્પલ સાથે અન્ય 5 લોકોના પણ સેમ્પલ લેવામાં આવ્યાં છે. ઉલ્લેખનીય છે કે ગેનીબેન ઠાકોર કોરોના પોઝિટિવ મહિલાકર્મીના સંપર્કમાં આવ્યાં હતા.
ગેનીબેન કોરોના પોઝિટિવ મહિલાકર્મીના સંપર્કમાં આવ્યા હતા
ડીસા કોવિડ હોસ્પિટલની ટીમે સેમ્પલ લઈને અમદાવાદ મોકલ્યા
પ્રાપ્ત મળતી વિગત અનુસાર બનાસકાંઠાના વાવના ધારાસભ્ય ગેનીબેન ઠાકોરનો કોરોનાનો રિપોર્ટ કઢાવવા માટે સેમ્પલ લેવામાં આવ્યા. વાવના ધારાસભ્ય ગેનીબેન સહિત 5 લોકોના સેમ્પલ લેવામાં આવ્યા છે. ઉલ્લેખનીય છે કે એક અહેવાલ મુજબ ગેનીબેન ઠાકોર કોરોના પોઝિટિવ મહિલા હેલ્થ કર્મચારીના સંપર્કમાં આવ્યા હતા.
ડીસા કોવિડ હોસ્પિટલની ટીમ દ્વારા ગેનીબેન ઠાકોરના સેમ્પલ લેવામાં આવ્યાં છે. આ અંગે અમદાવાદની હોસ્પિટલમાંથી ગેનીબેન ઠાકોરનો બુધવારે રિપોર્ટ આવશે.
ઉલ્લેખનીય છે કે આ અગાઉ ગત મંગળવારે વાવના ધારાસભ્ય ગેનીબેન ઠાકોરે પ્રાથમિક આરોગ્ય કેન્દ્રની મુલાકાત લીધીહતી. જો કે તેમની નજીક ઉભેલા મહિલા હેલ્થવર્કરનો કોરોનાનો રિપોર્ટ પોઝિટવ આવતાં ગેનીબેનને બીજી વખત ક્વોરન્ટાઇન કરાયા હતા. આ અગાઉ ગેનીબેન ઠાકોરને રાજસ્થાનથી આવતા હોમ ક્વોરન્ટાઇન કરાયાં હતા.