ગાંધીનગર / 7 જિલ્લામાં 8.47 લાખ લાભાર્થીને 1-1 હજારની સહાય, 10થી વધુ કેસ હોય ત્યાં ખાસ નજર : અશ્વિની કુમાર

• રાજ્યમાં 34 હજાર ઉદ્યોગોને શરૂ કરવાની પરવાનગી અપાઇ
• 7 જિલ્લામાં  8.47 લાખ લાભાર્થીને 1-1 હજારની સહાય
• જ્યા 10થી વધુ કેસ છે ત્યાં ખાસ નજર રાખવામાં આવી છે

અશ્વિની કુમારે જણાવ્યું હતું કે કોરોનાને લઇને તમામ જિલ્લા કલેકટરને સુચના આપવામાં આવી છે. વધુમાં વધુ ચકાસણી અને ટેસ્ટિંગ કરવાની કલેકટરોને સુચના આપવામાં આવી છે. આ સાથે રાજ્યમાં 34 હજાર ઉદ્યોગેને શરૂ કરવાની પરવાનગી અપાઇ છે. જેમાં આશરે 2 લાખ વર્કરો કામ કરી રહ્યાં છે. 

શહેરી વિસ્તાર સિવાયના તમામ વિસ્તારોમાં સામાન્ય સ્થિતિ બની છે. અમરેલી, કચ્છ, બનાસકાંઠા, પાટણ, મહેસાણા અને સુરેન્દ્રનગરના લાભાર્થીઓને સહાય આપવામાં આપી. આમ રાજ્યમાં કુલ 7 જિલ્લામાં 8 લાખ 47 હજાર લાભાર્થીઓને 1-1 હજારની સહાય અપાઇ છે. 

અશ્વિની કુમારે જણાવ્યું હતું કે જ્યાં 10થી વધારે કેસ છે ત્યાં ખાસ નજર રાખવામાં આવી રહી છે. રાજ્યમાં ગઇકાલે 121 માર્કેટિંગ યાર્ડ ચાલુ હતા. જેમાં 2 લાખ 31 ક્વિંટલ ઘઉંની આવક થઇ.