વિશ્વભરમાં કોરોના વાયરસની મહામારીનો કહેર જોવા મળી રહ્યો છે. ભારતમાં કોરોના વારયસના પોઝિટિવ સંખ્યામાં સતત વધારો જોવા મળી રહ્યો છે. આ સાથે ગુજરાતમાં કોરોના પોઝિટિવ દર્દીઓ વધી રહ્યાં છે ત્યારે આ વચ્ચે પાટનગર ગાંધીનગર ખાતે રાજ્યની કેબિનેટ બેઠક યોજાશે. જેમાં મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલ વીડિયો કોન્ફરન્સ દ્વારા મંત્રીઓ સાથે સંવાદ કરશે.
ગાંધીનગરમાં આજે CM રૂપાણી મંત્રીઓ સાથે કરશે ચર્ચા
વીડિયો કોન્ફરન્સથી કેબિનેટ બેઠકનું આયોજન
CMના નિવાસસ્થાનેથી કેબિનેટ બેઠકનો થશે સંવાદ
ઉલ્લેખનીય છે કે આ અગાઉ કેન્દ્રીય કેબિનેટની બેઠક પણ ભારતમાં પહેલી વખત વીડિયો કોન્ફરન્સથી યોજાઇ હતી. કોરોના વાયરસને લઇને લોકડાઉન વચ્ચે સોશિયલ ડિસ્ટન્સિંગ જાળવવાને લઇને વીડિયો કોન્ફરન્સના માધ્યમથી કેબિનેટની બેઠક યોજાઇ હતી.
જો કે આજે ગાંધીનગર ખાતે વીડિયો કોન્ફરન્સના માધ્યમથી કેબિનેટ બેઠકનું આયોજન કરવામાં આવી રહ્યું છું. જેમાં મુખ્યમંત્રી નિવાસસ્થાનેથી સીએમ રૂપાણી મંત્રીઓ સાથે ચર્ચા કરશે. આજરોજની કેબિનેટ બેઠકમાં કોરોના પોઝિટવ કેસ અંગે તંત્રની કામગીરીને લઇને સમીક્ષા કરાશે.
સીએમ રૂપાણીની અધ્યક્ષતામાં મળી રહેલી કેબિનેટ બેઠકમાં રાજ્યભરમાં કોરોનાને લઇને જરૂરી સુવિધા ઉપલબ્ધ સેવા અને તંત્રને પડતી હાલાકી અંગે પણ ચર્ચા કરાશે. આ સાતે નિઝામુદ્દીન મરકજને લઇને રાજ્યમાં વધી રહેલા કોરોના પોઝિટિવ કેસોની સંખ્યાને લઇને સમીક્ષા કરાશે. જો કે છેલ્લા 48 કલાકમાં કોરોના વાયરસે રાજ્યના ગ્રામ્ય વિસ્તારમાં દસ્તક આપતાં તે અંગે પણ વિચારણા હાથ ધરવામાં આવશે.