હવે હવામાં કોરોના છે કે નહીં તેને પણ હવે જાણી શકાશે. આગામી દિવસોમાં એ જાણવું સરળ થઈ શકે છે. કેનેડાની કંટ્રોલ એનર્જી કૉર્પ નામની કંપનીએ એક ડિવાઈસ તૈયાર કર્યું છે. જે હવામાં કોરોના છે કે નહીં તે જણાવશે. કંપનીએ કેનેડાની ઓન્ટરિયોની બે લેબમાં કોરોના વાયરસ પર રિસર્ચ કર્યા બાદ આ દાવો કર્યો છે. આ ડિવાઈસની કિંમત 8.8 લાખ રૂપિયા છે.
હવામાં ઓળખાશે કોરોના
કેનેડાની કંપનીનો દાવો
ગેમ ચેન્જિંગ ડિવાઈસ બનાવી
આ રીતે કામ કરશે ડિવાઈસ
બાયોક્લાઉડ નામની ડિવાઈસ તૈયાર કર્યું છે. જે હેન્ડ ડ્રાયર જેવું દેખાય છે. આ ડિવાઈસ હવાને અંદર ખેંચે છે. અને પછી હવાનું વિશ્લેષણ કોરોનાની તપાસ માટે કરે છે. રિઝલ્ટ પોઝિટિવ આવે તો ત્યાં હાજર લોકોની તપાસ કરી શકાશે.
ક્યાં ઉપયોગી રહેશે ડિવાઈસ, આટલી છે કિંમત
ક્લાસરૂમ, ઓફિસમાં આ ડિવાઈસ ઉપયોગી સાબિત થઈ શકે છે. નવેમ્બર સુધીમાં કંપની દ્વારા ડિવાઈસને બજારમાં લોન્ચ કરવામાં આવશે. જેની કિંમત 8.8 લાખ રૂપિયા રાખવામાં આવી છે. કંપની મહિનામાં 20 હજાર યૂનિટ તૈયાર કરી શકે છે.
ભારતમાં કોરોનાનું સંક્રમણ યથાવત
ભારતમાં કોરોનાનું સંક્રમણ યથાવત છે. એક દિવસમાં કોરોનાના 86 હજાર 748 કેસ આવ્યા છે તો એક દિવસમાં કોરોનાથી 85 હજાર 274 લોકો સ્વસ્થ થયા છે. ભારતમાં કોરોનાના એક્ટીવ કેસ 9 લાખ 40 હજાર 644 નોંધાયા છે. ભારતમાં કોરોનાના કુલ કેસ 63 લાખ 10 હજાર 267 છે. મહારાષ્ટ્રમાં દેશના સૌથી વધુ 18 હજાર 317 કેસ નોંધાઈ ચૂક્યા છે. કેરળ અને કર્ણાટકમાં 8800થી વધુ કેસ નોંધાયા છે. તો આંધ્રપ્રદેશમાં 6133 કેસ, તમિલનાડુમાં 5659 કેસ નોંધાતા તંત્ર હરકતમાં આવ્યું છે.