દાવો / શું કોરોનાનું એપીસેન્ટર ચીન નહીં પણ આ દેશ છે? ચીનથી 9 મહિના પહેલા અહીં જોવા મળ્યો હતો કોરોના

• કોરોના વાયરસ ચીન પહેલા સ્પેનમાં જોવા મળ્યો
• સ્પેનમાં 9 મહિના પહેલા જોવા મળ્યો હતો કોરોના 
• સ્પેનની બાર્સેલોના યુનિવર્સિટીના સંશોધનકર્તાનો દાવો 
• સ્પેનમાં માર્ચ 2019માં જોવા મળ્યો હતો વાયરસ

કોરોના વાયરસનો વધતો ચેપ વિશ્વભરમાં ચિંતાનું કારણ છે. દરરોજ કોરોના ચેપના કેસો વધી રહ્યા છે. રાહતની વાત છે કે તેની સારવાર માટે હવે કેટલીક દવાઓ ઉપલબ્ધ છે. જેના કારણે તેનો સામનો કરવાનો દર પણ પહેલા કરતાં વધી ગયો છે. આ વાયરસ ચીનના વુહાન શહેરથી વિશ્વભરમાં ફેલાયો હોવાનું શરુઆતમાંમ માનવામાં આવે છે. પરંતુ એક અભ્યાસમાં દાવો કરવામાં આવ્યો છે કે કોરોના વાયરસ ચીનના વુહાનના નવ મહિના પહેલા સ્પેનમાં ક્યાંક મળી આવ્યો હતો. સંશોધનકારોના આ દાવાથી લોકો ચોંકી ગયા છે.

વુહાનના નવ મહિના પહેલા સ્પેનમાં વાયરસ

દુનિયાભરના લોકો જાણતા હતા કે કોરોના વાયરસ ચીનના વુહાન શહેરથી દુનિયામાં ફેલાયો છે, પરંતુ સંશોધનકારોના આ અધ્યયનથી લોકોને આંચકો લાગ્યો છે. સંશોધનકારોએ દાવો કર્યો છે કે ચીનના વુહાનના નવ મહિના પહેલા સ્પેનમાં કોરોના વાયરસ જોવા મળ્યો હતો.

યુનિવર્સિટી ઓફ બાર્સેલોના ખાતે સંશોધન

સ્પેનના બાર્સેલોના યુનિવર્સિટીમાં કોરોના વાયરસ પર સંશોધન કરી રહેલા વૈજ્ઞાનિકોએ તેમના સંશોધનમાં આ દાવો કર્યો છે. તેમનું કહેવું છે કે કોરોના વાયરસ પ્રથમ વખત સ્પેનમાં જોવા મળ્યો હતો. વુહાનમાં નહીં. વૈજ્ઞાનિકોએ તેમના સંશોધનમાં કહ્યું છે કે માર્ચ 2019 માં જ સ્પેનના ગટરના પાણીમાં કોરોના વાયરસની હાજરી મળી હતી.

ગટરના પાણીમાં કોરોના વાયરસ

આ અધ્યયનમાં વૈજ્ઞાનિકોએ દાવો કર્યો છે કે સ્પેનના સુવેજ પાણીમાં વાયરસ મળ્યાના નવ મહિના પછી ડિસેમ્બર 2019 માં ચીનના વુહાનમાં કોરોના વાયરસની હાજરી જોવા મળી હતી. વૈજ્ઞાનિકોના આ દાવાથી કોરોના વાયરસની ઉત્પત્તિ વિશેની ચર્ચા શરૂ થઈ શકે છે.

નમૂનામાં વાયરસ મળ્યો

સંશોધન અધ્યયનમાં જણાવાયું છે કે 12 માર્ચ 2019 ના રોજ બાર્સેલોનામાં કોરોના ચેપ લાગ્યો હતો. આ સંશોધન અધ્યયનમાં સ્પેનના જુદા જુદા શહેરોમાંથી સ્થિર ભેગુ થયેલ નક્કામાં પાણીના નમૂનાઓનું જાન્યુઆરી 2018 થી ડિસેમ્બર 2019 વચ્ચે  પરીક્ષણ અને વિશ્લેષણ કરવામાં આવ્યું હતુ. સંશોધનકારોએ એક નમૂના સિવાય બાકીનામાં કોરોના વાયરસની હાજરી મળી નથી.
   
2020 ફેબ્રુઆરીમાં પ્રથમ સત્તાવાર કેસ

જોકે સ્પેનમાં કોરોના વાયરસના ચેપનો પ્રથમ કેસ ફેબ્રુઆરી 2020 માં સત્તાવાર રીતે બહાર આવ્યો હતો. ત્યારે અધ્યયનમાં વૈજ્ઞાનિકોનું કહેવું છે કે ગંદા પાણીના એક જ નમૂના જેમાં કોરોના વાયરસનું જીન નીચલા સ્તર પર મળી આવ્યું હતું તે નમૂના 12 માર્ચ 2019 ના રોજ બાર્સેલોના શહેરમાંથી લેવામાં આવ્યો હતો. આ દાવાએ આ હાલમાં ઘણાને આંચકો આપ્યો છે.