કોરોના સંકટ / ચીનમાં ફરી જોવા મળ્યો કોરોના, અધિકારીઓની કરાઈ હકાલપટ્ટી

સરકારી સમાચાર સમિતિ શિન્હુઆના જણાવ્યા અનુસાર સત્તાધારી પક્ષ ચીનની કમ્યૂનિસ્ટ પાર્ટીના ચાંગકિંગ સ્ટ્રીટ કાર્યસમિતિના સચિવ ઝાંગ યૂઝિને વુહાનના સનમિન રહેણાંક સમુદાયમાં સંક્રમણના મામલા સામે આવ્યા બદા પદ પરથી બરતરફ કરવામાં આવ્યાં છે.

કોરોનાના આ  બધા પોઝિટિવ કેસ હુબેઇના પાટનગર વુહાનના સુનમિન રહેણાંક સમુદાયમાં જોવા મળ્યાં છે. આ વિસ્તારમાં કોરોના સંક્રમણના 20 કેસ સામે આવ્યાં છે. 

કોરોના વાયરસના 5 નવા કેસ સામે આવતાં વધ્યો ડર
વુહાનના કોરોના વાયરસના 5 નવા કેસ રવિવારના રોજ અને એક કેસ શનિવારે સામે આવ્યોહતો. અહીં 35 દિવસથી કોરોના વાયરસનો કોઇ કેસ સામે આવ્યો નહોતો. ડોંગશિહૂ જિલ્લા આરોગ્યના નિદેશકે કહ્યું કે નવા કેસ સામે આવ્યા બાદ અંદાજે 20 હજાર લોકોના ન્યૂક્લિક એસિડ પરીક્ષણ અલગ-અલગ બેચમાં કરવામાં આવશે.

જે લોકોની તપાસ કરવામાં આવશે તેમાં 5000 લોકો સનમિન રહેણાંક સમુદાયની આસપાસ રહેનારા છે જયારે અન્ય 14 હજાર લોકો નજીકની બાઝાર દુઓલુઓકોઉના છે. વુહાનમાં 650 એવા મામલા સામે આવ્યાં છે જેમાં લક્ષણ જોવા મળ્યાં નથી.