કોરોના વાયરસ મહામારીને લઇને ચીન હવે આખી દુનિયામાં ઘેરાયું છે. ઓસ્ટ્રેલિયાની મીડિયામાં 'ફાઇવ આઇઝ ઇન્ટેલિઝેન્સ' નું એક ડોઝિયર છપાયું છે જેમાં દાવો કરાયો છે કે બીજિંગે કોરોના વાયરસના શરૂઆતના ચરણમાં જાણકારી છુપાવી છે. તેને લઇને ચીનની તરફથી કડક પ્રતિક્રિયા આવી છે.
કોરોના વાયરસ મહામારીને લઇને ચીન હવે આખી દુનિયામાં ઘેરાયું
ઓસ્ટ્રેલિયાની મીડિયામાં 'ફાઇવ આઇઝ ઇન્ટેલિઝેન્સ' નું એક ડોઝિયર છપાયું
ધ ફાઇવ આઇઝ નેટવર્ક પાંચ દેશોનું એક ઇન્ટેલિઝન્સ ગઠબંધન છે જેમા ઓસ્ટ્રેલિયા, કેનાડા, ન્યુઝીલેન્ડ, યુકે અને અમેરિકા સામેલ છે.
ધ ફાઇવ આઇઝ નેટવર્કે પોતાની રિપોર્ટ વુહાનથી આખી દુનિયામાં કોરોના વાયરસના ફેલાવાની તપાસ કરી છે. 15 પેજના લીક થયેલા ડોઝિયરમાં કહેવામાં આવ્યું છે કે ચીને કોરોના વાયરસ વિશે તમામ સોશિયલ મીડિયા પોસ્ટનું નામોનિશાન મિટાવી દીધું છે. રિપોર્ટ મુજબ, ચીને ડિસેમ્બરમાં માણસોથી માણસોમાં કોરોના વાયરસના સંક્રમણના પુરાવા મળવા છતા 20 જાન્યુઆરી સુધી આખી દુનિયાને અંધારામાં રાખી.
રિપોર્ટમાં કહેવામાં આવ્યું છે કે એ વાતના પુરાવા છે કે વુહાન ઇન્સ્ટીટ્યૂટ ઓફ વાયરલૉજીમાં વાયરસને પેદા કરવામાં આવ્યો અને ચામાચીડિયા સાથે સંબંધિત બીમારીઓને જોખમી રીતે રિચર્સ કરવામાં આવી રહ્યું હતું. જોકે, તેના કોઇ પુરાવા નથી કે ચીનની પ્રયોગશાળાથી વાયરસ લીક થયો.
જ્યારે ચીની મીડિયાએ લખ્યું, 15 પેજના ડોઝિયરમાં ચીન પર પુરાવાનો નાશ કરવાનો અને જાણકારી છુપાવવાને લઇને ટીકા કરવામાં આવી છે. આ આંતરરાષ્ટ્રીય પારદર્શિતા પર હુમલો છે. તેને વિના કોઇ પુષ્ટીએ છાપી દેવામાં આવી છે. ચીને આ રિપોર્ટને લઇને કડક ચેતવણી આપી છે. ચીને ચેતવણીને આપી કે આ પ્રકારની તપાસ બીજિંગને નકારાત્મક કાર્યવાહી કરવા પર મજબુર કરી શકે છે. ઓસ્ટ્રેલિયામાં ચીનના રાજદૂત ચેંગ જિંગયે કહ્યું, હવે ચીની પ્રવાસીઓ ઓસ્ટ્રેલિયા આવવાથી પહેલા બે વાર વિચારશે. તેઓ વિચારશે કે ઓસ્ટ્રેલિયા આપણું મિત્ર નથી તો આપણે ત્યાં કેમ જઇએ. ચીની રાજદૂતે ઓસ્ટ્રેલિયન વસ્તુઓનો બહિષ્કાર કરવાની ધમકી આપી હતી.
ઓસ્ટ્રેલિયાના વિદેશ મંત્રી મરીસ પાયને ચીનના નિવેદનને લઇને કડક પ્રતિક્રિયા આપી. તેઓએ કહ્યું કે ચીન તેમના દેશ પર આર્થિક હુમલો કરવાની કોશિશ કરી રહ્યું છે. જ્યારે ઓસ્ટ્રેલિયાના વડાપ્રધાન સ્કૉટ મૉરિસને કહ્યું કે કોરોના વાયરસની સ્વતંત્ર તપાસ પાછળ તેમનો માત્ર એક હેતુ છે કે દુનિયા ફરી આ પ્રકારની મહામારીનો સામનો ન કરે. ઓસ્ટ્રેલિયાની કોરોના વાયરસ મહામારીની સ્વતંત્ર આંતરરાષ્ટ્રીય તપાસ કરવાની માંગને લઇને ચીન ડરી ગયું છે. તેને આશંકા છે કે તપાસ થવાથી તેની છબી વધારે ખરાબ થશે.
ચીનના સમાચાર પત્ર ગ્લોબલ ટાઇમ્સે લખ્યું છે, ચીની અધિકારી સતત પશ્ચિમી મીડિયા અને રાજનીતિના વિશેષજ્ઞોની ચીનની મહામારીના ષડયંત્ર વાળી થીયરીની ટીકાઓ કરતા રહે છે.
અમેરિકા પણ સતત એવા દાવા કરતું રહ્યું છે કે કોરોના વાયરસ ચીની લેબમાંથી આખી દુનિયામાં ફેલાયો છે. અમેરિકી વિદેશ મંત્રી માઇક પોમ્પિયોએ કહ્યું, મેં ચીનના વિદેશ મંત્રાલયની ઓસ્ટ્રેલિયાને મહામારીની તપાસ કરાવવા પર ધમકાવતી પ્રતિક્રિયાઓ જોઇ છે.
એમેરિકી વિદેશ મંત્રીએ કહ્યું કે અમેરિકા અને તેના સહયોગીઓએ મહામારીને લઇને જવાબદેહી નક્કી કરવી જોઇએ. અમેરિકી રાષ્ટ્ર્પ્રમુખ ડોનાલ્ડ ટ્રમ્પે પણ ચીનથી મહામારી રોકી શકવામાં અસફળતાને લઇને તેની પાસેથી દંડ વસૂલવાની વાત કહી છે.