કોરોના વાયરસથી પોઝિટિવ લોકોની સારવાર માટે સેના બોલાવીને બ્રિટેને 10 દિવસોમાં 4000 બેડની ઇમરજન્સી હોસ્પિટલ તૈયાર કરી નાંખી છે. આ હોસ્પિટલને નાઇટેન્ગલ હોસ્પિટલ નામ અપાયું છે. આજે એટલે કે બુધવારે આ હોસ્પિટલમાં કોરોના ગ્રસ્ત લોકોની સારવાર શરૂ પણ થઇ શકે છે. આ પહેલા ચીને 10 દિવસમાં એક હજાર બેડની હોસ્પિટલ બનાવી હતી.
સેના બોલાવીને બ્રિટેને 10 દિવસોમાં 4000 બેડની ઇમરજન્સી હોસ્પિટલ તૈયાર કરી નાંખી
આ પહેલા ચીને 10 દિવસમાં એક હજાર બેડની હોસ્પિટલ બનાવી હતી
પૂર્વી લંડનના ડૉકલેન્ડ જિલ્લામાં એક્સેલ ક્ન્વેંશન સેન્ટર હતું. આ કન્વેંશન સેન્ટરને જ બદલીને હોસ્પિટલ બનાવી દેવાઇ છે. હોસ્પિટલમાં બે-બે હજાર બેડ વાળા બે વોર્ડ બનાવી દેવાયા છે. બે વાર ઇરાક અને એકવાર અફઘાનિસ્તાનનો પ્રવાસ કરી ચૂકેલા કર્નલ એશલેગ બોરેમે કહ્યું છે કે આ હોસ્પિટલ તૈયાર કરવી તેમની જિંદગીનું સૌથી મોટુ મિશન બની ગયું હતું.
કર્નલ એશલેગે કહ્યું કે બ્રિટેનની નેશનલ હેલ્થ સર્વિસ આ પ્રોજેક્ટનું નેતૃત્વ કરી રહી છે. તેઓએ કહ્યું કે મિલિટ્રીનો હંમેશાથી એક જ ઉદ્દેશ્ય હોય છે, લોકોનો જીવ બચાવવો. એશલેગે 1992માં મિલિટ્રી જોઇન કરી હતી અને થોડા સમય બાદ રિટાયર થવાના છે.
લંડન ઉપરાંત બ્રિટેન મેન્ચેસ્ટર, બર્મિઘમ અને ગ્લાસકોમાં પણ ઇમરજન્સી હોસ્પિટલ તૈયાર કરી રહ્યું છે. દુનિયાભરમાં કોરોના વાયરસના દર્દીઓની સંખ્યા સતત વધી રહી છે. બ્રિટેનમાં અત્યાર સુધીમાં 25,000થી વધારે લોકો કોરોના પોઝિટિવ થઇ ચૂક્યા છે અને આવનારા દિવસોમાં આ આંકડો ઘણો વધી શકે છે.
બ્રિટેનમાં કોરોના વાયરસથી 17000થી વધારે લોકોના મોત થઇ ચૂક્યા છે. જ્યારે બ્રિટેનના વડાપ્રધાન બોરિસ જૉનસન પણ કોરોના પોઝિટિવ થયા છે.