કોરોના વાયરસના કારણે હાલમાં વિશ્વની મહાસત્તા અમેરિકાની પરિસ્થિતિ ખૂબ દયનીય છે. હોસ્પિટલો ઉભરાઈ રહી છે, ડોકટર અને નર્સ પાસે માસ્કની સુવિધા પણ નથી અને સતત મોતનો આંકડો વધી રહ્યો છે. એવામાં એક નર્સે અમેરિકાની એવી સ્થિતિ વર્ણવી જેનાથી કોઈનું પણ હૃદય દ્રવી ઉઠે.
નર્સે ઘણા દિવસ સુધી એક જ માસ્ક અને કપડા પહેરવા પડે છે
'કોરોના વાયરસના દર્દીઓથી લડી રહેલી અમારી હોસ્પિટલ સુસાઈડ મિશન પર છે. અમારી પાસે એન-95 માસ્ક નથી, વાયરસથી બચવા માટેનો શૂટ પણ નથી. આટલું જ નહીં અમારે 12-12 કલાકની શિફ્ટમાં કામ કરવું પડે છે. હાલમાં જ એક સાથીનો જીવ કોરોના વાયરસના કારણે ગયો છે. અમને ભય છે કે અમે પોતે બીમાર પડીશું તો અમારી જગ્યાએ કોણ કામ કરશે. ' આ હૃદયદ્રાવક આપવીતી ન્યૂયોર્કની એક નર્સે વર્ણવી છે.
કોરોના વાયરસના કારણે અમેરિકાના ન્યૂયોર્ક શહેરની હાલત આવી થશે એવું કદાચ કોઈએ સપનામાં પણ વિચાર્યું નહીં હોય. ન્યૂયોર્ક માટે કહેવામાં આવે છે કે અહિયાં ક્યારેય રાત નથી પડતી. કોરોના વાયરસે આ શહેરની કફોડી પરિસ્થિતિ કરી નાખી છે.
ન્યૂયોર્કના ડેલી ન્યૂઝ અખબાર સાથે વાતચીતમાં ન્યૂયોર્કની નર્સ કેલીએ પોતાની આપવીતી વ્યક્ત કરી હતી. તેમણે કહ્યું કે હાલમાં જ તેમની સાથે કામ કરતી નર્સ કોરોના વાયરસના ઝપેટમાં આવીને મૃત્યુ પામી છે. કોરોના વાયરસના કારણે ન્યૂયોર્કના આ હોસ્પિટલની શું પરિસ્થિતિ થઇ છે તે જણાવતાં કેલી રડી પડે છે. કેલીનું માનવું છે કે જો તે લોકો જ બીમાર પડી જશે તો તેમની જગ્યાએ કોણ કામ કરશે.
કેલી અત્યારે 12 12 કલાક કામ કરી રહી છે. હોસ્પિટલ દર્દીઓથી ઉભરાઈ રહી છે. કેલીનું માનવું છે કે અમે સુસાઈડ મિશન પર છે. રાષ્ટ્રપતિ ડોનાલ્ડ ટ્રમ્પના હાથ લોહીથી રંગાયેલા છે. નોંધનીય છે કે મીડિયા કવરેજ છતાં હોસ્પિટલ સ્ટાફ પાસે પૂરતા કપડા પણ નથી.
કેલી કહી રહી છે કે ડોકટર પોતે ઉપકરણ ખરીદી રહ્યા છે. નર્સ દાનમાં આપેલ સામગ્રીથી કામ ચલાવી રહી છે. નર્સે ઘણા દિવસ સુધી એક જ માસ્ક અને કપડા પહેરવા પડે છે, કામ કરી રહેલા લોકોમાં કોરોનાનો ચેપ લાગી જવાનો ભય છે.
અમેરિકામાં મોતનો આંકડો ચીનથી પણ વધી ગયો છે. 9/11 આતંકવાદી હુમલામાં જેટલા વ્યક્તિઓએ જીવ ગ્માવ્યો તેનાથી ક્યાંય વધારે લોકો કોરોનાના કારણે મરી ગયા છે. એવામાં સ્વાસ્થ્યના નિષ્ણાતો માની રહ્યા છે 1 થી 2 લાખ લોકો કોરોના વાયરસના કારણે અમેરિકામાં મરી જશે.