કોરોના વાયરસને લઇને ગુજરાતમાં પોઝિટિવ દર્દીઓની સંખ્યામાં સતત વધારો જોવા મળી રહ્યો છે. ત્યારે કોરોનાથી બચવા માટે સૌથી અગત્યનું છે સોશિયલ ડિસ્ટન્સ રાખવું. જો કે દિવમાં કોરોના વાયરસની મહામારીને લઇને બેંક કર્મચારીઓમાં ભયનો માહોલ જોવા મળી રહ્યો છે.
દીવમાં કોરોના વાયરસને લઇ બેંક કર્મચારીઓમાં ડર
બેંકમા સિક્કા નહિ સ્વીકારવાનુ લગાવ્યું બોર્ડ
કર્મચારીઓ સ્લીપ પણ ચીપિયાથી ઉપાડી રહ્યાં છે
કોરોના વાયરસને લઇને લોકડાઉન વચ્ચે પણ લોકો કોઇ કારણ વગર સતત બહાર નીકળી રહ્યાં છે. ત્યારે સરકાર દ્વારા લોકોની જીવનજરૂરિયાત વસ્તુઓ તેમજ પેટ્રોલપંપ, બેંક વગેરે સેવાઓ ચાલુ રાખવાનો નિર્ણય લેવામાં આવ્યો છે.
કોરોના વાયરસ એક મહામારી બની ગયો છે, જેમાં અનેક લોકોના કોરોનાના કારણે મોત થયાં છે. ત્યારે દિવમાં પણ કોરોના વાયરસની મહામારીને લઇ બેંક કર્મચારીઓમાં ભય ફેલાયો છે.
બેંકના કર્મચારીઓને ક્યાંક તેમને પણ કોરોનાનો ચેપ ન લાગી જાય તે માટે તેઓ સાવચેતી રાખી રહ્યાં છે. ડરના કારણે બેંકમાં સિક્કા સ્વીકારવાનું બંઘ કરવામાં આવ્યું છે.
એટલું જ નહીં દીવમાં બેંક કર્મચારીઓમાં એટલી હદે ડર ફેલાયો છે કે સ્લીપ પણ ચીપિયાથી સ્વીકારી રહ્યાં છે. આ સાથે કર્મચારીઓ સ્લીપ સ્વીકાતાં પહેલા ઇસ્ત્રીથી ગરમ કરી રહ્યાં છે.