ખતરો / માણસો માટે આ રીતે નુકસાનદાયી બની શકે છે ડિસઈન્ફેક્શન ટનલ, WHOએ પણ આપી ચેતવણી

• કોરોનાથી બચવા ઉપયોગમાં લેવાતી ટનલ સાબિત થઇ શકે જોખમી
• ટનલમાં વપરાતા કેમિકલથી થઇ શકે કેન્સર 
• WHO આવી ટનલનો ઉપયોગ ન કરવા આપી સલાહ

 આ ટનલમાં પસાર થતાની સાથે જ કેમિકલના ફુવારા છુટે છે અને તેમા બ્લીચ અથવા એમોનિયાનો ઉપયોગ કરવામાં આવી રહ્યો છે. આ તમામ કેમિકલ કોઇપણ વસ્તુને સેનેટાઇઝ કરી શકે છે. પરંતુ માણસોની ત્વચા માટે ખુબ જ ઝેરી છે. પદ્મશ્રી સમ્માનિત ડોક્ટર મોહસિન વલીએ કહ્યું કે વિદેશમાં પણ આ ટનલ લગાવવામાં આવી હતી. પરંતુ બાદમાં તેને હટાવી દેવામાં આવી હતી. તેમાં થતા કેમિકલનો છંટકાવ માનવ શરીર માટે ખતરનાક છે. શરૂઆતમાં ત્વચા પર એલર્જી થઇ શકે છે. પરંતુ લાંબા સમયમાં તે કેન્સર જેવો ગંભીર રોગ થઇ શકે છે. તો WHOએ પણ આ પ્રકારની ટનલનો ઉપયોગ ન કરવા સલાહ આપી છે.

ટનલથી કેન્સર કઇ રીતે થઇ શકે?

• ડિસઇન્ફેકશન માટે થઇ રહ્યો છે ટનલનો ઉપયોગ. 
• ટનલમાં સેનેટાઇઝના ફૂવારા માટે વપરાય છે કેમિકલ.
• ટનલમાં સોડિયમ હાઇપોક્લોરાઇટ એટલે કે બ્લીચનો ઉપયોગ થાય છે.
• ટનલમાં એમોનિયાનો પણ ઉપયોગ થાય છે.
• આ બંને કેમિકલ માણસની ચામડી માટે છે ઘાતક.
• શરૂઆતમાં ચામડીની એલર્જી થઇ શકે છે.
• લાંબા સમયના ઉપયોગથી કેન્સર પણ થઇ શકે. 
• WHOએ ટનલનો ઉપયોગ ન કરવાની આપી સલાહ.